Казан пенсионеры мошенникларга ярты миллион сум акча күчергән

Җинаятьче хатын-кызга шалтыраткан, үзен банк хезмәткәре дип таныштырган.

Фото: Казан шәһәре KZN.RU

(Казан шәһәре KZN.RU, 16-нчы июль). Казанда 58 яшьлек пенсионер хатын-кыз мошенникларга 500 мең сум акча күчергән. РФ Җинаять кодексының 159-нчы маддәсенең 3-нче бүлеге тарафыннан каралган «Мошенничество» җинаять составы билгеләре буенча җинаять эше кузгатылган. «Авиатөзелеш» полиция бүлегендә тикшерү һәм оператив-эзләү чаралары комплексы уздырыла.

Зыян күрүче хокук сакчыларына ят кеше шалтыратканы һәм үзен банк хезмәткәре Алексей дип таныштырганы турында сөйләгән. Ул пенсионерның кайбер шәхси мәгълүматларын атаган һәм аның исеменә алдакчылар кредит рәсмиләштерергә тырыша, дигән. Банкның башка ялган хезмәткәре күрсәтмәләре буенча, хатын-кыз кредитка 500 мең сум алу өчен онлайн рәвештә гариза биргән, чөнки, таныш булмаган кеше сүзләренчә, бу, янәсе, санкцияләнмәгән займны юк итү өчен кирәк булган.

Аннары хатын-кыз банкоматка барган һәм кредит акчаларын алган. Телефоннан аны хатын-кыз инструкцияләп торган – ул янәсе финанс учреждениесенең өченче хезмәткәре булган. Таныш булмаган хатын пенсионерны ашыктырган. Хатын-кыз әйтеп торган счетка пенсионер хатын ярты миллион сум акчаны тулысынча күчергән, ә аннары караклык корбаны булуын аңлаган һәм полициягә мөрәҗәгать иткән, дип хәбәр итә Россия Эчке эшләр министрлыгының Казан буенча идарәсе матбугат хезмәте.

Җинаять корбаны булмас өчен, таныш булмаган затлардан килгән мәгълүматны яңадан тикшерергә кирәк. Таныш булмаган кешеләргә банк карталары һәм счетлары турында мәгълүмат бирергә һәм акча күчерергә ярамый.

Алдау очраклары турында кичекмәстән «02» яки «112» телефоннары буенча хәбәр итәргә кирәк.

Шулай ук укыгыз

Барлык яңалыклар