Казанда яшәүче пенсия яшендәге ханым мошенникларга 260 мең сум акча биреп җибәргән

Казанда яшәүче пенсия яшендәге ханым мошенникларга 260 мең сум акча биреп җибәргән

<div class="detail-picture"> <img src="https://kzn.ru/upload/iblock/e18/e182ec3c9d1841c01a1c6e5a673ea939.jpg"> <p class="detail-picture__caption"> Денис Гордийко фотосы </p> </div> <p> Татарстан башкаласында полиция хезмәткәрләре мошенниклык схемасында катнашуда шикләнелгән 22 яшьлек кызны тоткарлаган. Әлеге очрак буенча җинаять эше кузгатылган, дип хәбәр итә Россия Эчке эшләр министрлыгының Казан буенча идарәсе матбугат хезмәте. </p> <p> «Зареченский» полиция бүлегенә шәһәрдә яшәүче 76 яшьлек ханым мөрәҗәгать иткән. Мөрәҗәгать итүче сүзләренчә, телефон мошенниклары аны акча алу өчен килгән курьер-кызга 260 мең сум биреп җибәрергә күндергән. Берникадәр вакыттан соң өлкән яшьтәге хатын-кыз үзенең алдакчылар тозагына эләгүен аңлый һәм полициягә мөрәҗәгать итә. </p> <p> Мәгълүмати-телекоммуникация технологияләрен кулланып җинаятьләрне ачу бүлекчәсе хезмәткәрләре «Зареченский» бүлеге полиция эшчеләре белән бергә мошенниклар курьерын тоткарлый. Тоткарланучы зат шәһәрдә яшәүче 22 яшьлек кыз булып чыга. </p> <p> Шикләнелүче зат үз гаебен таныган. Кызга карата «Алдау юлы белән чит милекне урлау» маддәсе буенча җинаять эше кузгатылган. </p> <p> Хәзерге вакытта полиция хезмәткәрләре җинаять схемасында катнашучыларның башкаларын ачыклау эшен дәвам итә, шулай ук тоткарланучы затның шәһәр территориясендә шундый ук гамәлләргә катнашы булу-булмау ихтималын тикшерәләр. </p>

2026-02-13T17:38:10+0300