«Печән базары», «Милли кием» һәм «Казан сөлгесе» – Иске Татар бистәсендәге Шәһәр һәм Республика көнен ничек билгеләп үтәчәкләр

Быел бистә территориясендә 1 миллионнан артык турист булган

Иске Татар бистәсе — туристлар өчен дә, шәһәр халкы өчен дә җәлеп итү урыны. Бер ел эчендә территориягә 1 миллионнан артык кеше килгән. Бистәдә бик күп фестивальләр һәм бәйрәмнәр үткәрелә. Шәһәр һәм Татарстан Республикасы көне алдыннан бистәдә бәйрәм программасы әзерләнгән. Бу хакта «Тарихи мохит» МБУ директоры Элина Табакчи хәбәр итте.

Шәһәр муниципаль берәмлеге башлыгының беренче урынбасары Денис Калинкин Иске Татар бистәсенең шәһәр үсешендәге аерым ролен ассызыклады: «Префектура район администрациясенә охшаш функцияләрне башкара, шулай ук шәһәрнең тарихи өлешенең кертем өчен җәлеп итүчәнлегенә һәм туристлык потенциалына бәйле аерым бурычларны хәл итә. Биредә бик күп массакүләм чаралар уза. Бу бистәне милли мәдәният үзәге буларак таныту стратегиясенең бер өлеше».

Иске Татар бистәсенең җәлеп итүчәнлегенең төп факторы — татар халкы гадәтләренең җанлы моохитен тудыручы мәдәни вакыйгаларның бай программасы.

Шәһәр һәм Татарстан Республикасы көнен бәйрәм итү алдыннан, 30 августта, бистә территориясендә берьюлы берничә фестиваль һәм милли мәдәният бәйрәмнәре узачак.

26—29 август көннәрендә ел саен «Печән базары» Татар мәдәнияте һәм дизайны фестивале узачак. Быел фестивальнең темасы милли бизәлеш һәм көнкүреш булган «Татар йорты» булачак. Тамашачылар һөнәрчелек остаханәләрендә, ярминкәдә була, музыка тыңлый алачак.

Шуның белән беррәттән, 27 августта, «Күптөрлелектә бердәмлек» фестивале узачак, анда кунаклар гореф-гадәтләр белән музыкаль номерлар һәм һөнәрләр күргәзмәләре аша таныша алачак. Ә 29 августта бистә Мөхәммәд пәйгамбәрнең «Мәүлид ан-Нәби» туган көнен кабул итәчәк. Программада: музыкаль чыгышлар, хәләл базар һәм иҗади мастер-класслар.

Шәһәр көнендә, 30 августта, мода күрсәтүләр, тере музыка һәм халык күңел ачулары белән «Милли кием» фестивале узачак. Мәрҗани урамы артистлар чыгышлары, иҗади әңгәмәләр һәм сувенирлар ярминкәләре өчен җәяүлеләр зонасы булачак. Бәйрәм халык җыр-бию сәнгатен саклауга һәм милләтара татулыкны ныгытуга юнәлдерелгән «Казан сөлгесе» фестивалендә дәвам итәчәк.

Иске Татар бистәсендә фестиваль сезоны 30 мартта «Ураза гаете» бәйрәме белән башланып китте, ул матур концерт программасы, мастер-класслар, ярминкә һәм ретро автомобильләр күргәзмәсе белән үрелеп барды. Монда ук 7 майда хәрби оркестр йөреше, фронт музыкасы мәйданчыклары һәм «Хәтер маршруты» интерактив күргәзмәләре узды.

«Бистәдә җәй» программасы кысаларында территориядә көн саен иҗади мастер-класслар, шахмат турнирлары, балалар өчен интерактив программалар, кино күрсәтүләр, шулай ук рәсем сәнгате һәм фотога төшерү буенча белем бирү программалары уза. Тулырак мәгълүматны «Иске шәһәр» префектурасының Телеграм каналында белергә мөмкин.

«Борын-борыннан Иске Татар бистәсе шәһәр тормышының җанлы үзәге булган, анда сәүдә кайнаган, һөнәрчелек үскән һәм тарих үзе оешкан. Һәм хәзер ул туристлар өчен истәлекле урын гына түгел, ә казанлыларның көндәлек тормышының мөһим өлеше дә. Биредә эштән соң кофе эчеп очрашалар, ял көннәрендә балалар белән йөриләр, укудан соң концертларга һәм мастер-классларга киләләр», – дип йомгаклады Элина Табакчи.

Фоторепортаж

Видеорепортаж

11.08.2025 13:15

Шулай ук укыгыз

Барлык яңалыклар