Павлюченко, Мыскина һәм Легков Казанда хәйрия футбол матчында уйнаячак

Тамашачылар өчен данлыклы уенчылар белән фотосессия һәм кавер-төркем чыгышы оештырыла

Фото: Казан шәһәре KZN.RU

(Казан шәһәре KZN.RU, 26 нчы июнь). Иртәгә хоккейчы Александр Бурмистров һәм аның дуслары Fight Nights командасы белән хәйрия футбол матчында уйнаячак. Тамашачылар өчен данлыклы уенчылар белән фотосессия һәм кавер-төркем чыгышы оештырыла. Матчта казанлылар онкогематологик авырулы балаларны тәрбияләүче гаиләләргә акча бирә алачак.

Александр Бурмистров командасы өчен хоккейчылар Наил Якупов, Егор Яковлев, Алексей Кручинин, Григорий Панин, Александр Свитов, Евгений һәм Андрей Свечниковлар, Ярослав Альшевский, Артем Сергеев, олимпия чемпионы, чаңгычы Александр Легков, «Рубин» футбол клубының экс-тренеры Олег Кузьмин, футболчы Евгений Черемисин, теннисчы Анастасия Мыскина, спорт комментаторы Денис Казанский һәм башкалар уйнаячак.

Аларга каршы Медиалиганың ике сезонында катнашучылар, Казахстанда халыкара турнир финалистлары, Fight Nights командасы чыгыш ясаячак. Аның составына Россия футболы легендасы Роман Павлюченко, Россия көрәшчеләре Мариф Пираев, Алексей Махно, Артем Тарасов һәм башкалар керә.

Матч 19:00 сәгатьтә башлана. Уенга ярты сәгать кала һәм тәнәфестә тамашачылар өчен кавер-төркем чыгыш ясаячак. Шулай ук тамашачыларга команда уенчылары белән фотога төшәргә мөмкинлек биреләчәк.

Уенга керү ирекле. Стадионда иганәләр өчен QR-кодлы плакатлар урнаштырылачак. Оештыручылар хәйрия матчлары традициягә әверелер дип өметләнә.

Уен Казанның Үзәк стадионында узачак. Машиналар өчен парковка көнчыгыш трибуналарда каралган, ориентир – «Кол-Шәриф» мәчете һәм җәмәгать транспорты тукталышы. Керү рамкалары «Пирамида» ягыннан урнаштырылачак.

Матч Казан Мэриясе һәм «Игелекле Казан» автоном коммерциягә нигезләнмәгән оешмасы ярдәме белән узачак.

Шулай ук укыгыз

Барлык яңалыклар