Патриарх Кирилл Денис Калинкинны Изге Кенәз Даниил Московский ордены белән бүләкләде

Патриарх Кирилл Денис Калинкинны Изге Кенәз Даниил Московский ордены белән бүләкләде

Бүген Казан муниципаль берәмлеге башлыгының беренче урынбасары Денис Калинкин III дәрәҗә Изге Кенәз Даниил Московский орденын алды. Бүләкне аңа Казан һәм Татарстан митрополиты Кирилл тапшырды.<br> <br> Орденны илнең рухи тормышын торгызудагы казанышлары өчен тапшыралар. Мәсәлән, быел Казан муниципаль берәмлеге башлыгының беренче урынбасары Республика балалар клиник хастаханәсе территориясендә Изге Ана иконасы хөрмәтенә «Целительница» храмы төзелешен хуплады. Моның өчен һәм православие җәмәгатьчелеге тормышында актив катнашканы өчен Мәскәү һәм бөтен Русь Патриархы Кирилл Денис Калинкинны бүләкләде.<br> <br> Митрополит Кирилл орденны 6 гыйнвардан 7сенә каршы төндә, Раштуа бәйрәмендә, Казан Изге Ана иконасы соборында литургиядән соң тапшырды, дип хәбәр иттеләр Татарстан митрополиясе матбугат хезмәтендә.<br> <br> Исегезгә төшерәбез, «Целительница» храмы Казанда Шәһәр һәм Республика көнендә – 30 августта мәчет белән бергә <a target="_blank" href="https://kzn.ru/meriya/press-tsentr/novosti/v-kazani-otkrylsya-dukhovnyy-kompleks-tikhiy-sad/?lang=ta">эшли башлады</a>. Рухи комплекс «Тыныч бакча» исемен алды. Ачылу тантанасында ТР рәисе Рөстәм Миңнеханов һәм республиканың Дәүләт Киңәшчесе Минтимер Шәймиев катнашты.<br>

2025-01-07T12:30:00+0300