Россиягә кайткан чит ил авиарейслары пассажирлары самолет бортында анкета һәм дәүләт хезмәтләре порталында форма тутырырга тиеш

Россия кулланучылар хокукларын яклау һәм кеше иминлеге өлкәләрендә күзәтчелек федераль хезмәтенең ТР буенча идарәсе халыкка чит илләрдән һава транспорты белән Россиягә кайту тәртибен аңлата.

Фото: Марат Мугинов

(Казан шәһәре KZN.RU, 29-нчы сентябрь). Россия кулланучылар хокукларын яклау һәм кеше иминлеге өлкәләрендә күзәтчелек федераль хезмәтенең ТР буенча идарәсе халыкка чит илләрдән һава транспорты белән Россиягә кайту тәртибен аңлата. Үзгәрешләр Россия Федерациясе Баш дәүләт санитария табибының 2020 елның 18-нче сентябрендәге карарының үз көченә керүе белән аңлатыла.

Үз иле территориясенә һава транспорты белән кайткан РФ гражданнары самолет бортында анкета тутырырга , шулай ук бердәм дәүләт һәм муниципаль хезмәтләр порталында РФга очканчы (билет сатып алганда, ләкин рейска теркәлү узганчы) форманы электрон рәвештә тутырырга тиеш.

РФ территориясенә кайткан көннән алып өч календарь көн эчендә Россия гражданнары СОVID-19-га лаборатор тикшеренү узарга һәм дәүләт хезмәтләренең бердәм порталында махсус формага тикшерү нәтиҗәсе турындагы мәгълүматны урнаштырырга тиеш.

COVID-19-ка лаборатор тикшеренү нәтиҗәләре билгеле булганчы, яшәү урыны (тору урыны) буенча үзизоляция режимын үтәргә кирәк. Сәламәтлек торышы начарланган очракта, РФ территориясенә килгән көннән башлап ундүрт календарь көн эчендә гражданнар медицина оешмаларына бармыйча, кичекмәстән медицина ярдәме сорап мөрәҗәгать итәргә тиеш.

Шулай ук укыгыз

Барлык яңалыклар