Кече Акчарлак күле паркы Гуанчжоу халыкара премиясендә катнаша

Кече Акчарлак күле паркы Гуанчжоу халыкара премиясендә катнаша

<p> </p> <div class="detail-picture"> <img src="https://kzn.ru/upload/iblock/ddc/ddc331182da890df765610e6e4c6034d.jpg"> <p class="detail-picture__caption"> Фото: Марат Мөгыйнов </p> </div> (Казан шәһәре KZN.RU, 13 нче ноябрь, Камилә Вилданова). Бер ел элек төзекләндерелгән «Кече Акчарлак күле» паркы Гуанчжоу халыкара шәһәр инновацияләре премиясендә катнаша. Хәзер «Тамашачылар симпатиясе призы» номинациясендә онлайн-тавыш бирү уза. Һәр теләгән кешенең 10 тавышы бар, ул аларны парк өчен көн саен бирә ала. Бу хакта эшлекле дүшәмбедә Башкарма комитет җитәкчесе урынбасары Игорь Куляжев хәбәр итте.<br> <p> </p> <p> «Август аенда Гуанчжоудан конкурс комиссиясе шәхсән Кече Акчарлак күле паркына килде. Бу конкурс кысаларындагы стандарт практика түгел һәм безнең эшкә зур кызыксыну турында сөйли», – дип уртаклашты Игорь Куляжев. </p> <p> «Кече Акчарлак күле» паркы өчен 30 нчы ноябрьгә кадәр <a target="_blank" href="https://vote.guangzhouaward.org/vote.html">сылтама</a> буенча тавыш бирергә мөмкин. </p> <p> «Барыгыздан да тавыш бирүдә актив катнашуыгызны һәм шәһәребезгә ярдәм итүегезне сорыйбыз. Казан үзгәрсен һәм яшәү өчен иң яхшы шәһәр булып калсын өчен, без ел саен зур эш башкарабыз. Әйдәгез моны бөтен дөньяга күрергә ярдәм итик», – дип чакырды Игорь Куляжев. </p> <p> Башкарма комитет җитәкчесе урынбасары хәбәр иткәнчә, Казан беренче этапта 54 илдәге 193 шәһәрдән 274 проект көндәш булган топ-15 премиягә кергән. Россиядән Татарстан башкаласы – җиңү өчен көрәшүче бердәнбер шәһәр. Декабрьдә биш җиңүче аталачак. </p>

2023-11-13T13:52:00+0300