Яңалыклар
23.08.2023, 17:25
«Черек күл» паркы «НУР» медиа-сәнгать фестивале мәйданчыкларының берсе булачак
Чара Казанда 8-10 нчы сентябрьдә башлана, программада – күргәзмәләр, инсталляцияләр һәм лекцияләр
Фото: vk.com/nur.festival
(Казан шәһәре KZN.RU, 23 нче август). ТР башкаласында 8-10 нчы сентябрьдә «НУР» халыкара медиа-сәнгать фестивале узачак. Россия һәм чит ил рәссамнарыннан күргәзмә һәм инсталляцияләрне биш урында күрергә мөмкин булачак. Программада шулай ук «Теплоприбор» заводында NUR NIGHT төнге чарасы, лекцияләр, маппинг-шоу тәкъдим ителгән.
Белем бирү өлеше иҗат һәм коммерция, фиджитал-технологияләр, мультимедиа-дизайн трендлары һ.б. темаларга лекцияләрне колачлаячак. Аларга бушлай керергә була, теркәлү соңрак ачылачак.
Фестивальнең төп программасы – күргәзмәләр һәм инсталляцияләр – шәһәрнең берничә урынында, шул исәптән «Черек күл» паркында, Ивановның керем йортында, Кәримовлар йортында, «УРАМ» экстрим-паркында җәелдереләчәк. Кайбер мәйданчыкларга керү билетлар буенча башкарылачак.
NUR NIGHT чарасын 9 нчы сентябрьдә «Теплоприбор» заводында үткәрәчәкләр. Кичәнең программасы электрон музыкага багышланачак, дип хәбәр итә оештыручылар. Чара турында тулырак сайттан белергә була.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:43 -
29.04.2025, 16:02
