Парафинотерапия, флористика, натюрмортлар һәм фитнес: казанлылар өчен онлайн-дәресләр үткәрәчәкләр

Парафинотерапия, флористика, натюрмортлар һәм фитнес: казанлылар өчен онлайн-дәресләр үткәрәчәкләр

<p> <img width="870" src="https://www.kzn.ru/upload/iblock/798/IMG_1907.jpg" height="653"><br> </p> <p> (Казан шәһәре KZN.RU, 3-нче апрель). Киләсе атнада казанлылар өчен онлайн-дәресләр үткәрәчәкләр, алар төрле юнәлешләрне колачлый - флористика нигезләреннән актерлык осталыгына кадәр. Шәһәр халкы балчыктан әвәләргә, рәсем ясарга өйрәнә һәм спорт белән шөгыльләнә яки эфирда танылган казанлылар белән аралаша алачак.<br> <br> </p> <p> «Яшүсмер« яшьләр-яшүсмерләр клублары челтәре шәһәр халкы өчен 200-дән артык <a href="https://www.instagram.com/podrostok_kazan/" target="_blank">онлайн-дәрес</a> уздырачак. Шәһәр кешеләре өчен төрле өлкәләрдәге белгечләр катнашында онлайн-эфирлар әзерләнгән. Мисал өчен, 6-нчы апрель 14.00 сәгатьтә «Флориристика нигезләре» дәресе узачак, ә 7-нче апрель 16.00 сәгатьтә яшьләр белән эшләү буенча белгеч «Гади предметлардан натюрморт. Якты шәүлә нигезләре» дәресен үткәрәчәк. </p> <p> 10-нчы апрельдә «Бриз» яшүсмерләр клубы белгече «Парафинотерапия» мастер-классын уздырачак, башлану - 14.00 сәгатьтә. </p> <p> 11-нче апрель 14.00 сәгатьтә «Лада» яшүсмерләр клубы «Яшь алып баручы мәктәбе» дәресен оештыра. </p> <p> 13-нче апрель көнне казанлылар өчен «Артикуляционная гимнастика» дәресе үткәреләчәк, башлана - 13.00 сәгатьтә. </p> <p> «Арабеска» яшүсмерләр клубы белгече 14-нче апрель 14.00 сәгатьтә «Фразировка» башкару техникасы буенча дәрес уздырачак. </p> <p> Полимер балчыктан әвәләп ясау буенча мастер-класс 15-нче апрель 16.00 сәгатьтә узачак. </p> <p> «Декор студиясе (үз кулларың белән ясалган эшләнмәләр)» онлайн-дәресе шулай ук 15-нче апрель 16.00 сәгатьтә узачак. </p> <p> Дәресләр яшүсмерләр клублары аккаунтларында үткәреләчәк, яңалыкларны «Яшүсмер» муниципаль бюджет учреждениесе <a href="https://www.instagram.com/podrostok_kazan/" target="_blank">сәхифәсендә</a> күзәтергә мөмкин.  </p> <p> Агымдагы атнада «Яшүсмер» берләшмәсе аккаунтларында барлыгы 150-дән артык мастер-класс узды, аларны 4 меңнән артык кеше карады. Иң популяр онлайн-дәресләр арасында - рәсем ясау, вокал, иртәнге гимнастика. </p> <p> <a href="https://www.instagram.com/sportkomitetkzn/" target="_blank">Спорт тренировкалары</a> социаль челтәрләрдә Физик культура һәм спорт комитеты битендә дәвам итәчәк, анда дәресләр белән урнаштырылган 10 видеоны 8,5 мең кеше караган инде. </p> <p> Моннан тыш, барлык спорт мәктәпләре үз тәрбияләнүчеләре белән онлайн-күнегүләр алып бара, шулай ук тренерлар турыдан-туры эфирларга чыга һәм барлык теләүчеләр өчен тренировкалар үткәрә. Киләсе атнада спорт сөючеләрне яңа проектлар көтә. Исегезгә төшерәбез, теләге булган һәркем фитнес-инструкторлар белән <a href="https://www.kzn.ru/meriya/press-tsentr/novosti/kazantsy-mogut-prisoedinitsya-k-onlayn-trenirovkam-s-fitnes-instruktorami/" target="_blank">онлайн-күнегүләргә</a> кушыла ала.  </p> <p> Instagram социаль челтәрендәге аккаунтта Балалар һәм яшьләр эшләре комитеты «Жюри әгъзасыннан сора» <a href="https://www.instagram.com/kddm_kazan/" target="_blank">рубрикасын</a> ачты, казанлылар язмаларга шәрехләрдә сорауларын бирделәр. «Барысы 23 уникаль публикация әзерләнгән иде, шуларның 7-се - файдалы контент, аның белән язылучылар файдалана ала: бушлай ресурслар, подкастлар һәм сериаллар, онлайн мастер-класслар һәм башкалар», - дип хәбәр иттеләр комитетта. </p> <p> Киләсе атнада «Сорау бир...» рубрикасы дәвам итәчәк. Танылган казанлылар кулланучылар белән өйне җыештыру һәм ашамлыклар әзерләү буенча киңәшләре белән уртаклашачак. </p> <p> Казанда махсус санитар-эпидемиологик режим кертелү белән интернетта барлык мәдәният учреждениеләре дә диярлек актив эшчәнлек башлады, онлайн режимында төрле чараларда 51 меңнән артык кеше катнашты. Дәресләр һәм мастер-класслар <a href="https://www.instagram.com/kazanculture/" target="_blank">«Казан мәдәнияте»</a> инстаграм-аккаунтында урнаштырыла. </p> <p> Мәсәлән, <a href="https://www.kzn.ru/meriya/press-tsentr/novosti/proekt-biblioteka-po-sosedstvu/" target="_blank">«Күршедә китапханә»</a> онлайн-проекты тормышка ашырыла, аның кысаларында танылган язучылар, музыкантлар, режиссерлар һәм башка иҗади шәхесләр белән очрашулар уза. </p> <p> «Мәскәү» мәдәни үзәге үзизоляция чорында социаль челтәрләрдә мастер-класслар, дәресләр, мәгърифәтчелек чаралары оештырды, ә Сәет-Галиев исемендәге мәдәният йортында үзешчән сәнгать коллективлары җитәкчеләре җырлау, хореография һәм башка юнәлешләр буенча онлайн-дәресләр үткәрде. </p>

2020-04-03T17:26:05+0300