Һава торышы шартлары аркасында «Том Сойер Фест» фестивален ачу 8 июньгә күчерелә

Тарихи мохитне саклау максатыннан булдырылган бу хәрәкәт Россиядә күп кенә шәһәрләрне кызыксындыра.

(Казан шәһәре KZN.RU, 1-нче июнь). Һава торышы шартлары аркасында «Том Сойер Фест» фестивален ачу 8-нче июньгә күчерелә. Программа, чараның башлану вакыты һәм урыны үзгәрешсез кала.

Дүртенче сезонда волонтерлар Казан үзәгендә өч торак йортның фасадларын – Волков урамындагы 42-нче йортны, Фатыйх Кәрим урамы, 11 адресы буенча урнашкан Богородский йортын һәм Калинин урамындагы 12-нче йортны төзекләндерергә планлаштыралар.

Фестиваль 8-нче июньдә Калинин урамындагы 12-нче номерлы йорт янында узачак. Чара 14.00 сәгатьтә башлана.

Том Сойер Фестта катнашу өчен сылтама буенча үтеп анкета тутырырга кирәк.

«Том Сойер Фест» – фестиваль, аның кысаларында активистлар һәм волонтерлар мәдәният һәйкәлләре булмаган кыйммәтле шәһәр төзелеше объектларын ремонтлыйлар. Тарихи мохитне саклау максатыннан булдырылган бу хәрәкәт Россиядә күп кенә шәһәрләрне кызыксындыра, быел төзекләндерү эшләре Россиянең 25 шәһәренең тарихи йортларында барачак. Фестиваль беренче тапкыр Самарада 2015 елда уздырылды.

Казанда әлеге чара 2016 елда башланып китте. Ул вакытта активистлар шәһәр үзәгендәге өч агач йортны ремонтлады, 125 волонтер катнашты. 2017 елда катнашучылар саны 150 кешедән артып китте, 4 йорт яңартылды, ә 2018 елда - тагын 5 йорт, нәтиҗәдә Казанның «Том Сойер Фест»ы битараф булмаган шәһәрлеләр көче белән Казан үзәгендә 12 йортны яңартты.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар