Бушлай татар теле курсларына электрон язылу ачылды

Дәресләр өч ай дәвамында атнага ике тапкыр узачак.

(Казан шәһәре KZN.RU, 4-нче сентябрь). Казанда бушлай татар теле курслары 17 сентябрьдә башлана. Оештыручылар электрон язылу мөмкинлеге ачылганны игълан иттеләр.

Казан (Идел буе) федераль университетының Лев Толстой ис. Филология һәм халыкара багланышлар институты нигезендә оештырылган дәресләр 3 ай, 14 декабрьгә кадәр, дәвам итәчәк. Анкетаны тутырганда, уңайлы график сайларга мөмкин. Дәресләр иртән, 8.00 сәгатьтән 10.00 сәгатькә кадәр, яисә кич белән, 18.00 сәгатьтән 20.00 сәгатькә кадәр, атнага ике тапкыр – дүшәмбе һәм чәршәмбе, сишәмбе һәм пәнҗешәмбе көннәрендә узачак. Анкета тутырганда, шулай ук телне белү дәрәҗәсен, башлангыч яисә дәвам итүче, күрсәтергә һәм үзең турында мәгълүмат калдырырга кирәк. Элекрон почта аркылы хәбәр килгәч, гариза тутырырга һәм паспорт копиясен бирергә кирәк була.

КФУ нигезендә бушлай татар теле курслары 2012 елдан уздырыла. Узган елда 920-гә якын кеше электрон теркәлү процедурасын үтте.

Шулай ук укыгыз

Барлык яңалыклар