Казанда узачак WorldSkills ярышларына билетлар броньлау башланды

Бушлай чакыру билетларын дөнья чемпионаты сайтында алырга мөмкин.

(Казан шәһәре KZN.RU, 13-нче июнь). Килүчеләрне киләсе WorldSkills Kazan 2019 чемпионатына теркәү башланды. Теләгән һәркемгә 22-27-нче август көннәрендә «Казан Экспо» халыкара күргәзмә үзәгендә узачак ярышларга бушлай билетлар алу мөмкинлеге бар.

WorldSkills ярышларына килгән һәр кеше предметларның һәм механизмнарның ничек булдырылуын, гадәти сервисларның эчтән ничек эшләвен күрү өчен уникаль мөмкинлек алачак. Килүчеләр эш бирүчеләр, Россия һәм чит илләрнең көллият һәм иң яхшы уку йортлары укытучылары һәм җитәкчеләре белән таныша, Try-а-Skill мәйданчыкларында төрле компетенцияләрдә үз көчләрен сынап карый алачаклар.

Бушлай электрон чакыру билетын алу өчен сайтта теркәлеп, «Казан Экспо»га килү вакытын һәм датасын сайларга кирәк. Билет буенча үтү саны чикләнмәгән. 12 яшькә кадәрге балалар өчен билет һәм теркәлү таләп ителми.

Оештыручылар электрон билетны бастырып чыгарырга кирәклеген билгеләп үтә, чөнки сканер штрих-кодны икенче чыганаклардан укымаска мөмкин. 45-нче WorldSkills Kazan 2019 дөнья чемпионаты матбугат хезмәте хәбәр иткәнчә, билетларны броньлау сайты эшендә кыенлыклар килеп чыкканда электрон почтага мөрәҗәгать итәргә була: ticket@worldskillskazan2019.com.

Шулай ук укыгыз

Барлык яңалыклар