Казан Кремлендә язгы архитектура «Диалоглар»ына теркәлү ачылды

Белгечләр уңайлы шәһәр мохите һәм транспорт инфраструктурасы турында фикер алышачак.

Фото: Денис Гордийко

(Казан шәһәре KZN.RU, 3 нче апрель). 13 нче һәм 14 нче апрельдә Казан Кремлендә язгы архитектура «Диалоглары» башланачак. Очрашу бөтен Россиядән 500 ләп катнашучыны һәм 50 дән артык спикерны берләштерәчәк. Фикер алышуның төп темасы уңайлы шәһәр мохите һәм транспорт инфраструктурасы булачак.

Транспорттагы инновацияләр турында «Сколково» фондының транспорт идарәсе җитәкчесе Кирилл Жанайдаров сөйләячәк. Катнашучылар киләчәк юлларның нинди булачагын, ни өчен пилотсыз аппарат руль артында кешедән куркынычсызрак булуын, шәһәрдәге транспорт тавышы нәрсә белән куркыныч һәм аның йогынтысын ничек киметергә икәнен беләчәкләр.

«Велоруководство: руководство к руководству» дискуссиясе STEP транспорт проектлау студиясе катнашында узачак. Аерым алганда, велосипед инфраструктурасы антропоген пычрануны һәм тавыш дәрәҗәсен шактый киметә, уңайлы, куркынычсыз һәм тотрыклы шәһәр киңлекләрен тәэмин итә.

Чара программасына шулай ук Раяна Әхмәтҗанованың 4 типа эффективной самопрезентации» мастер-классы да кертелгән, дип хәбәр итә Шәһәрне үстерү институтының матбугат хезмәте.

Катнашу өчен сылтама буенча теркәлергә кирәк. Чараны оештыручы булып Казан Мэриясе, Архитектура һәм шәһәр төзелеше идарәсе һәм Казан дәүләт архитектура-төзелеш университеты ярдәме белән Шәһәрне үстерү институты тора.

Шулай ук укыгыз

Барлык яңалыклар