Аракчинодан Югары Осланга боз аша кичү эшли башлады

Ул 2 тоннадан артмаган йөк күтәрешле автомобильләргә исәпләнгән.

(Казан шәһәре KZN.RU, 18-нче гыйнвар). Татарстанда Аракчино бистәсе – Югары Ослан маршруты буенча боз кичүе ачылды. 3,2 км озынлыктагы юлны чыгу өчен 10-15 минут вакыт кирәк. РФ Гадәттән тыш хәлләр министрлыгының ТР буенча Баш идарәсенең Кечкенә үлчәүле суднолар буенча дәүләт инспекциясе үзәге боз кичүен рәсми рәвештә ачык дип белдерде.

7 ел рәттән Идел елгасы аша ачылган бу юл автомобильчыларга юлны 50 километрга кадәр кыскартырга ярдәм итә. Биредә икеяклы хәрәкәт оештырылган.

Коткаручылар боз аша чыкканда, куркынычсызлык каешларын ычкындырырга һәм автомобиль ишекләрен аз гына ачарга киңәш итәләр. Бозга 5-10 км/сәгатьтән артмаган тизлек белән керергә һәм 15-20 км/сәг. тизлек белән хәрәкәт итәргә кирәк. Җәяүлеләр шулай ук Аракчинодан Югары Осланга боз кичүе аша, автомобиль юллары буйлап салынган махсус юллар буйлап бара ала, дип хәбәр итә ТР буенча РФ Гадәттән тыш хәлләр министрлыгы матбугат хезмәте.

Шулай ук укыгыз

Барлык яңалыклар