«Россия почтасы» бүлекчәләре Татарстанда 30 августта эшләмәячәк

«Россия почтасы» бүлекчәләре Татарстанда 30 августта эшләмәячәк

<p> 30 августта Татарстанда «Россия почтасы» бүлекчәләре эшләмәячәк. Бу Шәһәр һәм республика көнен бәйрәм итү белән бәйле. </p> <p> Бәйрәм алдыннан, 29 августта, почта бүлекчәләренең эш көне бер сәгатькә кыскарачак. Җомга көнне, 30 августта, хат ташучылар хатларны һәм вакытлы матбугат басмаларын таратмаячак. </p> <p> Гадәти расписание буенча хезмәт күрсәтү 31 августта яңадан башланачак, дип хәбәр иттеләр компаниянең матбугат хезмәтендә. </p> <p> Исегезгә төшерәбез, Шәһәр һәм республика көнен бәйрәм итү уңаеннан казанлыларны кыска эш атнасы көтә. 29 августта РФ Хезмәт кодексының 95 нче маддәсенең 1 нче өлеше буенча бер сәгатькә кыскартыла. </p>

2024-08-27T12:14:00+0300