Казанда транспорт комитеты рәисе вазыйфасына сайлап алу башланды

Дәгъвачыларга Казанның транспорт системасын үстерү проектын әзерләргә кирәк.

Фото: Денис Гордийко

(Казан шәһәре KZN.RU, 15-нче июль). Казанда Транспорт комитеты рәисе вазыйфасына сайлап алу башланды. Кандидатлардан гаризалар 3-нче августка кадәр кабул ителә.

Вакантлы вазыйфага дәгъва кылучыларга анкета тутырырга һәм Казанның транспорт системасын үстерү проектын әзерләргә кирәк, анда конкрет проблемаларны тасвирлау биреләчәк һәм аларны хәл итү юллары тәкъдим ителәчәк.

Транспорт тармагы экспертлары белән очрашу, проектларны тәкъдир итү, кейслар чишү һәм ассессмент-сессиядә катнашу нәтиҗәләре буенча финалистлар билгеләнәчәк, алар Казан Мэры Илсур Метшин һәм эксперт советы әгъзалары белән очрашачак.

Кандидатларга карата төп таләпләр арасында – югары белем, бер елдан да ким булмаган муниципаль хезмәт стажы яки белгечлек, юнәлеш буенча ике елдан да ким булмаган эш стажы.

Исегезгә төшерәбез, Транспорт комитеты рәисе вазыйфасына ачык сайлап алуны уздыру турында эшлекле дүшәмбедә шәһәр Башкарма комитеты җитәкчесе Рөстәм Гафаров игълан итте. Яңа җитәкчегә шәһәрнең транспорт системасын үстерүне яңа дәрәҗәгә күтәрергә кирәк булачак, дип билгеләде ул.

Комитетны җитәкләгән Айдар Абдулхаков «Метроэлектротранс» МУП генераль директоры вазыйфасына күчте.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар