Казанда көзге «КультТорг»: донорлык турында белергә, әйберләр белән алмашырга һәм икенчел чимал тапшырырга була

Акыллы куллану фестивале иртәгә «Родина» ял һәм бизнес үзәгендә узачак

Фото: vk.com/culttorg

(Казан шәһәре KZN.RU, 13 нче октябрь). Иртәгә Казанда «КультТорг» көзге мәдәни куллану фестивале узачак. Мәйданчыкта икенчел чимал тапшырырга, әйберләр алмашырга, лекцияләр тыңларга һәм мастер-классларда катнашырга мөмкин.

Фестиваль 12:00 сәгатьтән 19:00 сәгатькә кадәр «Родина» ял һәм бизнес үзәгендә узачак. Биредә икенчел чимал кабул итү өчен зоналар ачылачак: куллану вакыты чыккан даруларны тапшырып, әйберләр алмашып һәм сатып, уеннарда катнашып булачак. Шулай ук теләге булган һәркем «Яхшылык бүләк итәбез» фонды өчен кием һәм йортсыз хайваннар өчен азык алып килә ала.

Мастер-класслар, лекцияләр һәм дискуссияләр түбәндәге җәдвәл буенча узачак:

12:30 – сөяк мие донорлыгы турында лекция;

13:15 – брелок булдыру буенча мастер-класс;

14:15 – балавыз салфетка ясау буенча мастер-класс;

16: 00 – күп тапкыр кулланыла торган шешә өчен сумка ясау буенча мастер-класс;

17: 30 – азык-төлек грамоталылыгы турында фикер алышу.

«Гомерне саклагыз – сөяк мие доноры булыгыз» лекция-акциясендә теләгән һәркем регистрга керә алачак. Үзең белән паспорт һәм СНИЛС алырга кирәк.

«КультТорг»ны үткәрү нечкәлекләре белән сылтама буенча танышырга мөмкин.

Фестивальгә керү ирекле. «Родина» ял һәм бизнес үзәге Бауман урамы, 44/8 адресы буенча урнашкан.