Казан марафонын оештыручылар волонтерлар командасын туплыйлар

Спорт чарасын үткәрүгә барлыгы 300-гә якын үзирекле кеше җәлеп ителәчәк.

(Казан шәһәре KZN.RU, 2-нче сентябрь). Быел 10-11-нче октябрьдә узачак Казан марафоны вакытында 300 волонтерны җәлеп итәчәкләр. Үзирекле булырга теләүчеләрдән гаризалар 20-нче сентябрьгә кадәр кабул ителә.

Волонтерлар командасы спортчыларга марафон уздыруның барлык этапларында да ярдәм итәчәк - старт пакетын бирүдән алып финишта очрашуга кадәр. Волонтерлар үз мәнфәгатьләреннән чыгып, позицияләрнең берсен сайларга мөмкин: медиа, VIP-протокол, бүләкләү протоколы, бүләкләү төркеме, туклану ноктасы, теркәлү, мәгълүмат ноктасы, навигация, штаб, экспо һәм балалар йөгереше. Һәр волонтер Timer Helpers фирма футболкасы, волонтерлык кенәгәсенә язылу һәм Казан марафоныннан һәм старт партнерларыннан бүләкләр алачак.

16 яшьтән өлкәнрәк һәр Казан кешесе Казан марафонының волонтеры була ала. TIMERMAN спорт чаралары сериясе матбугат хезмәте хәбәр иткәнчә, сайтта кызыксындырган сорауларга төгәл җаваплар алырга һәм гариза бирергә мөмкин.

Исегезгә төшерәбез, Казан марафонында катнашучылар түбәндәге дистанцияләрнең берсен сайлый ала: 3 чакрым, 10 чакрым, 21,1 чакрым һәм 42,2 чакрым. Традиция буларак TIMERKIDS Балалар өчен 600 метрга аерым йөгерү һәм нәниләр өчен йөгереш планлаштыра.

Шулай ук укыгыз

Барлык яңалыклар