«Салават күпере» микрорайонында поликлиника төзү өчен урын билгеле булды

<div class="detail-picture"> <img src="https://kzn.ru/upload/iblock/691/DEN_8931_870.jpg"> <p class="detail-picture__caption"> Фото: Денис Гордийко </p> </div> (Казан шәһәре KZN.RU, 28 нче февраль, Алинә Бережная). Казанның «Салават күпере» микрорайонында поликлиника төзелеше өчен участок билгеләнгән – медицина учреждениесе Нурихан Фәттахов һәм Наил Юсупов урамнары киселешендә урнашачак. Бу хакта бүген шәһәр Башкарма комитетында узган эшлекле дүшәмбедә Киров һәм Мәскәү районнары администрациясе башлыгы Сергей Миронов хәбәр итте. <p> «Хәзер «Салават күпере» микрорайонында яшәүчеләрнең барлык теләкләрен исәпкә алу өчен проектлауга техник бирем әзерлибез. Поликлиника сменага 750 кешене кабул итә алачак. Моның аркасында без медицина ярдәмен якын-тирәдә яшәүчеләргә күрсәтә һәм шәһәрлеләрнең тормыш сыйфатын сизелерлек арттыра алабыз», - диде ул. </p> <p> Район администрациясе башлыгы сүзләренә караганда, шулай ук Музыкальная урамындагы поликлиниканы проектлау эшләре алып барыла. </p> <p> Исегезгә төшерәбез, быел 2 нче һәм 16 нчы номерлы шәһәр хастаханәләрен капиталь ремонтлау, Гаврилов урамында 480 урынга каралган балалар хастаханәсен, Дәрвишләр бистәсендәге балалар поликлиникасын төзү <a href="https://kzn.ru/meriya/press-tsentr/novosti/v-kazani-planiruetsya-postroit-detskuyu-bolnitsu-na-480-mest-na-ulitse-gavrilova-i-perinatalnyy-tsen/" target="_blank">башланачак</a>. </p> <h1> </h1>

2022-02-28T16:05:56+0300