Казан муниципаль парковкаларының 2020 елда түләү алмыйча эшләү графигы билгеләнде

Хәзерге вакытта Казанда 156 муниципаль парковка бар.

(Казан шәһәре KZN.RU, 12-нче декабрь). Казанда муниципаль парковкаларның 2020 елда түләү алмыйча эшләү тәртибен билгеләделәр. Тиешле карар шәһәрнең Документлар һәм хокукый актлары җыентыгында басылып чыкты.

Шулай итеп, транспорт чараларын парковка урыннарында урнаштырган өчен автомобильчеләрдән түләү бәйрәм көннәрендә һәм ял көннәрендә алынмаячак: 1-нче гыйнвардан 8-нче гыйнварга кадәр, 24-нче февраль, 9-нчы март, 1-нче майдан 5-нче майга кадәр, 9-нчы майдан 11-нче майга кадәр, 12-нче июнь, 4-нче һәм 6-нчы ноябрь, шулай ук Ураза һәм Корбан гаете бәйрәмнәре көннәрендә. Исегезгә төшерәбез, алар Татарстан Республикасы Президенты Указы белән билгеләнә.

Хәзерге вакытта Казанда 156 муниципаль парковка бар. Муниципаль урам парковкалары эш көннәрендә һәм шимбә көннәрендә 7.00 сәгатьтән 21.00 сәгатькә кадәр эшли. Төнлә (21.00-дән 7.00-гә кадәр), якшәмбе һәм бәйрәм көннәрендә (тәүлек буе) муниципаль урам парковкаларында транспорт чараларын урнаштыру өчен түләү алынмый. Парковкаларны урнаштыру схемасы «Казан паркингы» сайтында күрсәтелгән.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар