Опера җырчысы Илдар Абдразаков һәм Италия теноры Лучано Ганчи Казанда бушлай мастер-класс үткәрәчәк

Белем бирү программасында 20-32 яшьлек яшь җырчылар катнаша ала.

(Казан шәһәре KZN.RU, 27-нче гыйнвар). 22-нче февральдә Казан консерваториясендә вокалистлар өчен бушлай мастер-класс узачак. Аны Россия опера җырчысы Илдар Абдразаков һәм Италия теноры Лучано Ганчи үткәрәчәк.

Белем бирү программасында 20-32 яшьлек яшь җырчылар катнаша ала. Моның өчен 2-нче февральгә кадәр abdrazakovfest@gmail.com адресына үзләре башкаруында чит ил яки рус репертуарына караган бер ариянең кыска видеоязмасын җибәрергә кирәк. Видеоны шулай ук #iafoundation #abdrazakovfest хештегы белән социаль челтәрләрдә үз сәхифәгездә урнаштырырга кирәк. Гариза бирү турында тулырак мәгълүматны фестивальнең социаль челтәрләрендә табарга мөмкин. Белем бирү программасында җиңүчеләр фестиваль программасы концертларында чыгыш ясаячак.

Мастер-класс Илдар Абдразаковның III фестивале кысаларында узачак. Казан анда катнашучыларны икенче тапкыр кабул итәчәк. 21-нче февраль көнне С.Сәйдәшев исемендәге Зур концертлар залында тамашачылар Джузеппе Вердиның иң танылган арияләрен ишетәчәк. Илдар Абдразаков белән бергә «Италия музыкасы кичәсе»ндә Италия теноры Лучано Ганчи, Россия баритоны Сергей Кайдалов, хатын-кызлар партияләрен башкаручы Анастасия Коротенко (сопрано) һәм Наталья Якимова (меццо-сопрано), шулай ук дирижер Александр Сладковский җитәкчелегендәге Татарстан Республикасы Дәүләт симфония оркестры катнашачак, дип хәбәр ителә ТР Мәдәният министрлыгы сайтында.

Шулай ук укыгыз

Барлык яңалыклар