Татарстан спортчылары үткәргән онлайн-күнегүләр 140 меңнән артык карау җыйды

Татарстан спортчылары үткәргән онлайн-күнегүләр 140 меңнән артык карау җыйды

<p> <img width="870" src="https://www.kzn.ru/upload/iblock/aeb/DEN_1957.jpg" height="653"><br> </p> <p> (Казан шәһәре KZN.RU, 14-нче апрель). Татарстанда танылган спортчылар катнашында «Өйдә актив рәвештә утырабыз» флешмобы популярлаша бара. Флешмобта катнашучылар социаль челтәрләрдә өй күнегүләре белән кыска видеороликлар куя. Роликлар #СидимДомаАктивно хештегы белән берләштерелгән һәм социаль челтәрләрнең барлык кулланучыларын дәресләргә кушылырга һәм үз күнегүләрен урнаштырырга чакыра. Социаль челтәрләрдә күнегүләрне инде 140 мең тапкыр караганнар. </p> <p> <br> </p> <p> Үз Instagram сәхифәләрендә беренче роликларны Казан «Рубин»ының ярымсакчысы Солтморад Бакаев һәм «Динамо-Казан» хатын-кызлар волейбол клубы уенчысы Елизавета Попова урнаштырды. Соңрак спортчыларга аларның клубташлары, шулай ук УНИКС, «Казаночка» баскетбол клубы баскеболчылары, һәм «Динамо-Казан» волейболчылары кушылды. </p> <p> Акциягә шулай ук спортның уен төрләре вәкилләре, Россия җыелма командалары әгъзалары, Европа һәм дөнья чемпионнары һәм призерлары: сноубордчы Милена Быкова, фигуралы шуучы Евгения Тарасова, бадминтончы Евгения Косецкая, велоузышчы Илнур Закарин, шулай ук Татарстан бокс федерациясе спортчылары кушылды. </p> <p> Флешмобны оештыручылар акциянең кимендә 300 мең кешене колачлавын планлаштыра, дип хәбәр итә «Татмедиа» агентлыгы. Акция Татарстан Республикасы Спорт министрлыгы ярдәмендә һәм катнашында уза. </p>

2020-04-14T11:30:25+0300