«Алтын тәлинкә» онлайн-проекты «Минем исемем Петя» кыска метражлы уен фильмын күрсәтү белән старт ала

23-нче апрельдә «Алтын тәлинкә» онлайн-проекты старт ала.

(Казан шәһәре KZN.RU, 16-нчы апрель). 23-нче апрельдә «Алтын тәлинкә» онлайн-проекты старт ала. Казанда яшәүчеләр кинематография өлкәсендә шул ук исемдәге төбәкара премия алуга дәгъва кылучы фильмнарны күрә, картиналар һәм экспертлар белән онлайн-очрашуларда катнаша алачак.

23-нче апрельдә чаралар циклын режиссер Дарья Биневскийның «Минем исемем Петя» кыска метражлы уен фильмын күрсәтү ача. Россия кинематографистлар берлегенең Яшьләр үзәге башкарма директоры, Бөтенроссия дебютантлар питчингы башкарма директоры, «Яшәячәкбез!» Мәскәү кинофестивале директоры Дмитрий Якунин онлайн режимда тамашачылар белән дискуссия уздырачак.

Онлайн-чаралар атнага бер тапкыр узачак, дип планлаштырыла. Һәр чара буенча timepad.ru сервисында аерым теркәлү булдырылачак. Фикер алышулар һәм иҗади очрашулар Zoom платформасында узачак (алдан теркәлү кирәк). Онлайн-чараларга сылтамалар «Время кино» интернет-ресурсларында куелышлар һәм очрашулар алдыннан урнаштырылачак.

Хәзер «Алтын тәлинкә» кинопремиясенеңә тавыш бирүнең эксперт туры бара. Катнашучылар кинопремиянең рәсми сайтында 1-нче июньгә кадәр гариза бирә ала, шуннан соң лонг-лист формалаштырылачак. 1-нче июльдә эксперт советы үз карарын чыгарачак һәм шорт-лист формалаштырылачак. Номинантлар исемлеге августта игълан ителәчәк.

Кинопремиянең приз фонды - 1,3 млн сум. Моннан тыш, акчалата призларсыз һәм яшь чикләүләрсез 15 номинация булдырылган. Җиңүчеләрне бүләкләү Россия киносы көнендә - 27-нче августта узачак, дип хәбәр итә оештыручылар.

Премиянең авторы һәм инициаторы - «Время кино» дирекциясе. Проект президент грантлары фондының финанс ярдәме белән гамәлгә ашырыла.

Шулай ук укыгыз

Барлык яңалыклар