Олеся Машейко Бөтендөнья парамузыкаль фестивалендә Казанны тәкъдим итәчәк

Бәйге Россиянең һәм чит илләрнең сәламәтлекләре буенча проблемалары булган яшь артистларын берләштерәчәк.

(Казан шәһәре KZN.RU, 21-нче октябрь). Казаннан 13 яшьлек җырчы Олеся Машейко Бөтендөнья парамузыкаль фестивалендә катнашачак. Конкурсның көзге этабы 27-нче октябрьдән 7-нче ноябрьгә кадәр Калуга, Кострома һәм Мәскәү өлкәләрендә узачак, Россиянең һәм чит илләрнең сәламәтлекләре буенча проблемалары булган яшь артистларын берләштерәчәк.

Олеся Машейко мөмкинлекләре чикләнгән балалар өчен 8-нче номерлы балалар музыка мәктәбендә флейт белгечлеге буенча һәм 172-нче номерлы гомуми белем бирү мәктәбендә укый. Ул халыкара фестивальләрдә, балалар иҗади конкурсларында һәм хәйрия концертларында актив катнаша, вокаль номинацияләрдә лауреат һәм дипломант исемнәренә лаек булган.

Хәзерге вакытта яшь артист фестивальнең сәнгать советының конкурс сайлавын узган. Ул Калуга өлкәсенең драма театрында, Костроманың «Губерна» концерт-күргәзмә үзәгендә һәм Мәскәүнең «Барвиха Luxury Village» концерт залында үзенең иҗади номерларын күрсәтәчәк. Фестивальнең көзге туры концертларына 8 меңнән артык кеше килер дип көтелә, ә проектның телеаудиториясе 6 миллионнан да ким булмаячак.

Россиядә инде 11 ел үткәрелә торган Бөтендөнья парамузыкаль фестиваль, сәламәтлек һәм байлык дәрәҗәсенә карамастан, кешеләр арасындагы тигез мөмкинлекләрне пропагандалый.

Шулай ук укыгыз

Барлык яңалыклар