Казанның яңа метро станцияләренең берсе “ТАССРның 100 еллыгы” дип аталачак

Башкарма комитетның метрополитенның икенче линиясенең беренче участогына атама бирү турындагы карары чыкты.

(Казан шәһәре KZN.RU, 21-нче июнь). Башкарма комитетның 2018 елның 8 июнендә чыккан 3405 номерлы карары буенча Казан метрополитенының икенче линиясенең беренче участогының 4 станциясенә атамалар бирелде.

Юлиус Фучик урамы буенча станция “Улица Юлиуса Фучика - Юлиус Фучик урамы” дип аталачак, ә Юлиус Фучик урамындагы “10-нчы микрорайон” шәһәр пассажир транспорты тукталышы тирәсендә - "10-й микрорайон - 10 нчы микрорайон”. Юлиус Фучик һәм Ломжа урамы тукталышлары арасында урнашачак станция “100-летие ТАССР» – «ТАССРның 100 еллыгы” исемен йөртәчәк, ә Альберт Камалиев проспектындагы станциягә “Улица Академика Сахарова – Академик Сахаров урамы” исеме бирелгән.

Мондый карар ТР Баш инвестицион-төзелеш идарәсе мөрәҗәгате һәм метрополитенның икенче линиясенең беренче участогын проектлау белән бәйле кабул ителгән. Карар Казан шәһәре муниципаль берәмлегенең документлар һәм хокукый актлар җыентыгының 2018 елның 21-нче июненнән 23 (455) номерында бастырылды.

Шулай ук укыгыз

Барлык яңалыклар