Казанда бер яшьлек малайны һәм 40 яшьлек ирне бәрдерүчеләрне эзлиләр

Казанда бер яшьлек малайны һәм 40 яшьлек ирне бәрдерүчеләрне эзлиләр

<p> <img src="https://www.kzn.ru/upload/iblock/23f/800.jpg"><br> </p> <p> (Казан шәһәре KZN.RU, 17-нче июль). Казанда бер яшьлек малайны һәм 40 яшьлек ирне бәрдерүчеләрне эзлиләр. Ике авария дә кичә булган. </p> <p> Бер яшьлек малайны 16-нчы июльдә 17.20 сәгатьтә Казан авиация җитештерү берләшмәсенең Горбунов исемендәге 10-нчы номерлы бакчачылык ширкәте территориясендә бәрдергәннәр. Юл-транспорт һәлакәте нәтиҗәсендә баланың баш мие селкенгән һәм хастаханәгә салынган. </p> <p> 40 яшьлек ир-атны автомобиль шул ук көнне 21.00 сәгатьтә Хөсәенов Мәүлетов урамындагы 2-нче номерлы йорт каршында бәрдереп китә. Һәлакәт нәтиҗәсендә ир-атның умырткалары сына, төрле җәрәхәтләр ала һәм сул як кул чуклары яралана. </p> <p> Ике очракта да һәлакәт урыныннан машина йөртүчеләр качкан. Казан Дәүләт автоинспекциясе шаһитлардан түбәндәге телефоннар аша мөрәҗәгать итүләрен сорый: (843) 5-333-819, 5-333-848. </p> <p> Узган тәүлектә Казанда 178 юл-транспорт һәлакате теркәлгән, шуларның 10-сында зыян күрүчеләр бар – 6 кеше җәяүлене , велосипедчыны бәрдергән һәм 3 транспорт чарасы бәрелешкән. Нәтиҗәдә, юл-транспорт һәлакәтләрендә катнашкан 11 кеше - 7 җәяүле (шул исәптән ике бала), пассажир, 2 йөртүче һәм велосипедчы бала төрле дәрәҗәдәге тән җәрәхәтләре алган. </p>

2019-07-17T10:50:31+0300