Казанда 23 яшьлек ир-атны һәм 72 яшьлек хатын-кызны бәрдерү очрагының шаһитларын эзлиләр

Җәяүлеләр машина юллары аша җайга салынмый торган кичүләр буенча чыкканда зыян күргән.

(Казан шәһәре KZN.RU, 13-нче август). Казанда 23 яшьлек егетне һәм 72 яшьлек хатын-кызны бәрдерү очрагының шаһитларын эзлиләр. Һәлакәтләр 11-нче һәм 12-нче августта була.

23 яшьлек җәяүле катнашында юл-транспорт һәлакәте 11-нче август 7.00 сәгатьтә Воровский урамындагы 3-нче номерлы йортның ишегалды территориясеннән чыккан вакытта була. Егет җайга салынмаган җәяүлеләр кичүен автомобиль хәрәкәте барган уңайга уңнан сулга таба уза торган була. Машина йөртүче һәлакәт урыныннан качкан. Нәтиҗәдә җәяүле имгәнүләр алган.

12-нче август 14.45 сәгатьтә Фучик урамындагы 49-нчы номерлы йорт янында машина йөртүче 72 яшьлек хатын-кызны бәрдерә. Ул автомобиль юлы аша җайга салынмы торган җәяүлеләр кичүе буенча машина хәрәкәте уңаена уңнан сулга таба чыга торган була. Машина йөртүче шулай ук вакыйга урыныннан качкан. Пенсионер ханым берничә җитди җәрәхәт алган.

Казан дәүләт автоинспекциясе әлеге хәлнең шаһитларыннан түбәндәге телефоннар буенча шалтыратуларын сорый: +7(843)533-38-19 һәм +7(843)533-38-48.

ЮХИДИ юл-транспорт һәлакәте урынын калдырган өчен транспорт чаралары белән идарә итү хокукыннан бер ел ярымга кадәр мәхрүм итү яки 15 тәүлеккә кадәр административ кулга алу рәвешендә җәза каралганлыгын искәртә.

Узган тәүлектә Казанда 153 юл-транспорт һәлакәте теркәлгән, шуларның 2-се зыян күрүчеләр катнашында булган - 2 җәяүлене бәрдерү очрагы. Нәтиҗәдә алар төрле дәрәҗәдәге җәрәхәтләр алган.

Шулай ук укыгыз

Барлык яңалыклар