Казанда ике юл-транспорт һәлакәте шаһитларын эзлиләр

Ике очракта да җәяүлеләрне бәрдергән машина йөртүчеләр авария урыныннан качкан.

Фото: Казан шәһәре KZN.RU

(Казан шәһәре KZN.RU, 11-нче ноябрь). Казан дәүләт автоинспекциясе 10 ноябрьдә булган ике юл-транспорт һәлакәтенең шаһитларын эзли.

Кичә кич белән, 17.07 сәгатьтә, Адоратский урамы буенча урнашкан 13-нче номерлы йорт ишегалдында Renault Captur автомобиле йөртүчесе, башлангыч мәгълүматларга караганда, куркынычсыз тизлекне сайламаган һәм 2 яшьлек малайны бәрдергән. Юл-транспорт һәлакәте нәтиҗәсендә баланың уң ботындагы йомшак тукымалары бәрелгән.

Шул ук көнне, 17.30 сәгатьтә, Тэцевская урамы буенча урнашкан 8/1-нче номерлы йорт каршында Lada Kalina автомобилен йөртүче, башлангыч мәгълүматларга караганда, юл бирмәгән һәм көйләнми торган җәяүлеләр кичү юлы буенча хәрәкәт итүче 31 яшьлек ир-атны бәрдергән. Машина йөртүче һәлакәт урыныннан качкан. Юл-тоанспорт һәлакәте нәтиҗәсендә зыян күрүченең уң аяк табаны җәрәхәтләнгән.

Казан дәүләт автоинспекциясе әлеге фаҗигаләр шаһитларыннан түбәндәге телефоннар аша мөрәҗәгать итүләрен сорый :+7(843)5-333-819, +7(843)5-333-848.

Узган тәүлектә Казан шәһәрендә 174 юл-транспорт һәлакате теркәлгән, аларда 6 кеше зыян күргән - 3 җәяүлеләрне бәрдерү очрагы һәм 3 транспортлар бәрелеше. Нәтиҗәдә, юл-транспорт һәлакәтендә катнашкан 6 кеше - 3 җәяүле, пассажир һәм 2 машина йөртүче төрле дәрәҗәдәге тән җәрәхәтләре алган.

Шулай ук укыгыз

Барлык яңалыклар