Казан Изге Ана иконасына багышланган бәйрәм чараларына волонтерлар җыялар

Бәйрәм чаралары һәм тәре йөреше 21 июльдә узачак.

(Казан шәһәре KZN.RU, 11-нче июль). Православ динен тотучылар Казан епархиясенә Казан Изге Ана иконасына багышланган бәйрәм чараларына әзерләнү һәм уздыруда ярдәм итә ала. Бәйрәм чаралары һәм тәре йөреше 21 июльдә узачак. Чарага волонтерлар җыялар.

Икона 1579 елда янгын калдыклары арасында табыла. Риваять буенча, аның урынын 10 яшьлек Матрона исемле кыз бала төшендә өч тапкыр Богородицаны күргәннән соң күрсәткән. Соңыннан биредә хатын-кызлар монастыренә нигез салына, бүгенге көндә ул ир-атлар монастыре булып тора.

Ел саен иконаны табу хөрмәтенә Казанда масштаблы чаралар, шул исәптән бәйрәм гыйбадәте һәм тәре йөреше үтә. Аңа башка шәһәрләрдән православ динен тотучылар килә. Оештыру эшләрендә “Казанские православные добровольцы” яшьләр хәрәкәте ярдәм итә, Татарстан митрополиясенең матбугат хезмәтендә аларга кушылырга чакыралар. Волонтер булу өчен махсус сайтта гариза калдырырга кирәк.

Моннан кала, оештыручылар волонтерларга кием турында алдан уйлап куярга киңәш итә – өскә ак төсле кием, озын җиңле булса яхшырак, аска малайларга кара чалбар, кызларга юбка кияргә киңәш ителә.

Искәртергә кирәк, 21 июльдә, бәйрәм чаралары үткән вакытта, Казан үзәгендә транспорт хәрәкәте чикләнә.

Шулай ук укыгыз

Барлык яңалыклар