Яңалыклар
22.07.2022, 15:14
Казан халыкара мөселман киносы фестиваленә волонтерлар җыю игълан ителде
Гаризалар 8 нче августка кадәр кабул ителә.
Фото: «Татаркино» ТР дәүләт бюджет мәдәният учреждениесе
(Казан шәһәре KZN.RU, 22 нче июль). XVIII Казан халыкара мөселман киносы фестивален оештыручылар волонтерлар командасын туплый. Гаризалар 8 нче августка кадәр кабул ителә.
Анкетаны 18 яшь һәм өлкәнрәк булган теләгән һәркем җибәрә ала. Төп таләпләр – инициативалык һәм җаваплылык, кинематографка кызыксыну. Волонтерлар эш тәҗрибәсе һәм матур тәэсирләр алачак, фикердәшләре белән танышачак һәм фестивальне эчтән оештыру турында беләчәкләр. Гаризаларны «Волонтер» тамгасы белән business@kazan-mfmk.com электрон почтасы адресына җибәрергә кирәк. Анкетада күрсәтергә кирәк булган мәгълүматлар исемлеген сылтама буенча карарга була.
Исегезгә төшерәбез, XVIII Казан халыкара мөселман киносы фестивале Татарстан башкаласында 7-11 нче сентябрьдә узачак. Быел дөньяның 44 иленнән барлыгы 625 заявка теркәлгән. Фестиваль үткәрелеп килгән еллар эчендә кинематографистларның дәрәҗәле форумы статусын алды, Казанның мәдәни тормышының аерылгысыз атрибуты, илнең мәдәни башкаласы буларак шәһәрнең имиджын ныгытуга ярдәм итүче чара булды.
Шулай ук укыгыз
-
30.04.2025, 15:45 -
30.04.2025, 14:03 -
30.04.2025, 09:14 -
29.04.2025, 17:56
