Салават күпере паркы өчен вакыйгалар программасы кураторлары командасына җыю игълан ителде

Куратор һәм медиаторлар җәмәгать киңлегенең торышын күзәтергә, биредә яшәүчеләр белән аралашырга һәм чаралар планын эшләргә тиеш булачак.

Фото: Марат Мөгыйнов

(Казан шәһәре KZN.RU, 26 нчы октябрь). Казанда яңа җәмәгать киңлегендә – Салават күпере микрорайонындагы паркта чаралар программасын җитәкли торган командага хезмәткәрләр җыю игълан ителде.

Хезмәткәрләр (бер куратор һәм остаханәләр эше буенча ике медиатор ) паркның торышын күзәтергә, биредә яшәүчеләр белән аралашырга һәм чаралар программасын формалаштырырга тиеш. Бурычлар арасында – шәһәрлеләрнең яңа парк өчен җаваплылыгын арттыру, халыкны мәдәни һәм вакыйгалар тормышына җәлеп итү, кызыксынулар буенча бергәлекләр булдыру һәм үстерү.

Кандидатлар 18 яшьтән кечерәк булмаска тиеш, парк янында (Салават күперендә, Залесный, Юдино, Осиново бистәләрендә) яшәсә яхшырак. Эш шартлары турында тулырак мәгълүмат анкетада күрсәтелгән, аны кадрлар конкурсында катнашу өчен тутырырга кирәк.

Гаризалар 14 нче ноябрьгә кадәр кабул ителә, конкурс нәтиҗәләре 1 нче декабрьгә билгеле булачак, дип хәбәр итә Казанның парклар һәм скверлар дирекциясе.

Шулай ук укыгыз

Барлык яңалыклар