Яңалыклар
26.07.2021, 10:19
Бию мастер-классында Нурбәк Батулла казанлыларны тән сигналларын укырга өйрәтәчәк
«Хәрәкәттә - бәрәкәт» проектының чираттагы чарасы битмейкер Ислам Вәлиев катнашында 27-нче июльдә узачак.
Фото: Денис Гордийко
(Казан шәһәре KZN.RU, 26-нчы июль). 27-нче июльдә «Черек күл» паркында «Хәрәкәттә - бәрәкәт» проекты кысаларында чираттагы шөгыль булачак. «Татарский сансет» бию импровизация джемын заманча композицияләр һәм микслар астында «Әлиф» иҗат берләшмәсе хореографы Нурбәк Батулла һәм музыкант, битмейкер Ислам Вәлиев үткәрәчәк.
Мастер-класста катнашучылар гади хәрәкәтләр аша үз тәнендә яшеренгән мәгълүматны укырга өйрәнәчәкләр. Очрашу урыны – амфитеатр, башлана 19:30 сәгатьтә.
«Хәрәкәттә - бәрәкәт» проекты Татарстанда Туган телләр һәм халык бердәмлеге елына багышланган һәм июнь аеннан Казан паркларында һәм скверларында гамәлгә ашырыла. Тәҗрибәле осталар татар телендә хореография һәм спорт дәресләре үткәрәләр.
Шулай ук укыгыз
-
30.04.2025, 15:45 -
30.04.2025, 14:03 -
30.04.2025, 09:14 -
29.04.2025, 17:56
