Яңа даими авиарейс Казан белән Ташкентны тоташтырачак

Яңа даими авиарейс Казан белән Ташкентны тоташтырачак

<p> Татарстан башкаласын һәм Ташкентны яңа даими авиарейс тоташтырачак. Маршрутта Канадада җитештерелгән 50 пассажир сыешлы Bombardier CRJ-200 очкычы йөриячәк </p> <p> Ташкентка очышлар якшәмбе саен булачак. Казаннан кузгалу 22:30 сәгатьтә, Үзбәкстан башкаласының һава гаванена 3:55 сәгатьтә килеп җитү планлаштырылган. </p> <p> Шулай ук кире юнәлештә дә авиарейслар булачак. Ташкенттан пассажирлар һәр дүшәмбе 4:55 сәгатьтә китә алачак, Казанга очкыч 6:30 сәгатьтә кайтып җитәчәк. Һәр аэропорт өчен җирле вакыт күрсәтелгән. Очыш 3 сәгатьтән артыграк вакытны тәшкил итәчәк. </p> <p> «Рейслар 4 нче августтан башлана», – дип хәбәр иттеләр «ЮВТ АЭРО» авиакомпаниясенең матбугат хезмәтендә. </p>

2024-07-10T14:34:22+0300