Казанның Авиатөзелеш районында күпфункцияле үзәкнең яңа офисы ачылды

Биредә 190-га якын хезмәт күрсәтелә.

(Казан шәһәре KZN.RU, 2-нче декабрь). Казанның Авиатөзелеш районында, Максимов ур., 1 адресы буенча «Минем документлар» күпфункцияле үзәге офисы ачылды. Районның 100 меңнән артык кешесе биредә «бер тәрәзә» принцибы буенча дәүләт һәм муниципаль хезмәтләр ала алачак.

Яңа офиста белгечләр 190-га якын хезмәт күрсәтә, алар арасында Россия һәм чит ил паспортларын, машина йөртү таныклыгын, ИНН, СНИЛС, ана капиталын, Күчемсез милекнең бердәм дәүләт реестрынан мәгълүматларны алу, күчемсез милек белән алыш-бирешне рәсмиләштерү, юридик шәхесне теркәү, хөкем ителгәнлеккә (ителмәгәнлеккә), пенсия күләме турында белешмә алу һәм башкалар бар.

Авиатөзелеш районының күпфункцияле үзәгендә 12 документлар кабул итү-тапшыру тәрәзәсе эшли. Биредә дә, Татарстанның башка күпфункцияле үзәкләрендәге кебек үк, электрон чират терминалы, «Электрон Татарстан» инфоматы, федераль һәм төбәк дәүләт хезмәтләре порталларына керү өчен кунак компьютерлары, балалар почмагы, ана һәм бала бүлмәсе эшләячәк.

Үзәкләштерелгән күпфункцияле үзәк системасы үз эченә һәр муниципаль районда 58 офисны, Казан һәм Яр Чаллыда берничә офисны үз эченә ала, дип хәбәр итә ТР Цифрлы үсеш министрлыгының матбугат хезмәте.

Шулай ук укыгыз

Барлык яңалыклар