Казан яшь тамашачы театрында «Бәби» мюзиклы: мәче, эт һәм кешеләрне нәрсә берләштерә

Спектакльдән җыелган акчаларның бер өлешен йортсыз хайваннар приютына җибәрәчәкләр.

Фото: Казан шәһәре KZN.RU

(Казан шәһәре KZN.RU, 18-нче гыйнвар). 13-нче февральдә Казан яшь тамашачы театрында Изге Вәли көненә багышланган «Лапа любви» хәйрия акциясе узачак. Тамашачыларга «Бәби» мюзиклын тәкъдим итәчәкләр - җыелган акчаларның яртысын «Сердце дворняги» һәм «Вега» приютларына ярдәмгә җибәрәчәкләр.

Илгиз Зәйниевның «Бәби» спектакле - мәче, эт һәм кешеләрне берләштерүе турындагы мюзиклы. Аның сюжеты буенча, күп еллар үзара сугышучы һәм территорияне бүлешүче урам этләре һәм мәчеләре көтмәгәндә үз торакларында сабый бала табалар. Спектакль хайваннар һәм кешеләр арасындагы мөнәсәбәтләрне ничек җайга салырга кирәк икәнлеге турында сөйли. Куелыш 6 яшьтән өлкәнрәк тамашачылар өчен тәкъдим ителгән.

Театр фойесында тамашачылар тематик бизәнү әйберләре һәм календарьлар сатып ала, шулай ук приютлар өчен азык җыюда катнаша алачак. Теләүчеләр үзләренә хайванны сайлый ала - диварларда хуҗа эзләгән хайваннарның фотосурәтләрен урнаштырачаклар. Шулай ук тамашачылар бордер-колли Эстерның төрле ярышларда призлы урын алган спортчы - кинолог Регина Мөхәммәтханованың чыгышын күрә алачак.

Спектакль 16: 00 сәгатьтә башлана, дип хәбәр итә театрның матбугат хезмәте. Өстәмә мәгълүматны сайтта белергә мөмкин.

Белешмә

«Сердце дворняги» - инвалид хайваннарга ярдәм итү өчен ирекле төркемнәр
тарафыннан 2016 елда булдырылган приют. Приют тәрбиясендә 64 хайван бар. «Вега»
шәхси приютына 2012 елда нигез салынган. Ул Татарстанның Аксубай районында
бердәнбер сыену урыны булып тора һәм республикада иң зур приютларның берсе
санала. Аның карамагында 300дән артык хайван бар.

Шулай ук укыгыз

Барлык яңалыклар