Казанны Мурманск һәм Төмән белән яңа авиарейс тоташтырачак

Очышлар атнага өч тапкыр башкарылачак.

Фото: Екатерина Красуцкая

(Казан шәһәре KZN.RU, 3 нче август). 8 нче августтан яңа авиарейс Казанны Мурманск һәм Төмән белән тоташтырачак. Самолетлар атнага өч тапкыр – дүшәмбе, сишәмбе һәм шимбә көннәрендә очачак.

Дүшәмбе һәм шимбә көннәрендә самолет Казаннан 4:00 сәгатьтә кузгалачак, Мурманск аэропортына 6:50 дә төшәчәк. Аннан борт 7:40 сәгатьтә очып китәчәк, Төмән аэропортына ул 12:55 сәгатьтә утырачак.

Төмәннән кире рейс 13:45 сәгатьтә планлаштырылган, Мурманск шәһәренә төшү 15:00 сәгатьтә булачак, аннан соң Татарстан башкаласына 15:50 сәгатьтә очып китәчәк. Казан аэропортында самолет 18:45 сәгатьтә төшәчәк.

Сишәмбе көнне самолет Казаннан 10:10 сәгатьтә очып китеп, Мурманск аэропортында 13:00 сәгатьтә булачак, аннан соң Төмәнгә 13:50 сәгатьтә кузгалачак. Анда борт 19:00 сәгатьтә килеп җитәчәк.

Төмәннән һава судносы 19:50 сәгатьтә очачак, Мурманск шәһәрендә 21:05 тә булачак һәм 22:00 сәгатьтә Казанга кузгалачак. Татарстан башкаласына самолет чәршәмбе көнне 1:00 сәгатьтә килеп җитәчәк. Һәр аэропорт өчен җирле вакыт күрсәтелгән.

Маршрутта максималь сыйдырышлылыгы 50 кеше булган Bombardier CRJ-200 Канада авиалайнерлары җәлеп ителгән, дип хәбәр итә «ЮВТ Аэро» авиакомпаниясе матбугат хезмәте.

Шулай ук укыгыз

Барлык яңалыклар