Татарстан башкаласында Яңа ел чараларына бәйле «Тере классика» гаилә укулары узачак

Чараның хедлайнерлары актерлар Олег Алмазов һәм Искәндәр Хәйруллин булачак

Якшәмбе көнне, 15 декабрьдә, ТР Милли китапханәсендә Яңа ел чараларына бәйле «Тере классика» гаилә укулары узачак. Шәһәр халкы иҗади очрашуларда һәм мастер-классларда катнаша, шулай ук шигырь яки нәсер өзеген кычкырып укый алачак.

Театр һәм кино актеры Олег Алмазов һәм Татарстанның халык артисты, Г.Камал исемендәге театр актеры Искәндәр Хәйруллин чараның хедлайнерлары булачак. Алар китап конкурсын конференц-залда үткәрәчәкләр, башлана 18:00 сәгатьтә.

9-10 яшьлек балаларны «Читашки» клубы көтә. 12:00 дән 13:00 кә кадәр балалар болытларда урнашкан сарай турындагы итальян әкиятен укыячак. Берьюлы берничә залда 12:00 дән 14:30 га кадәр гаиләләр кычкырып укуны җәелдерәчәк. Шигырь яки нәсердән өзек белән теләгән һәркем килә ала.

Акциядә катнашучылар шулай ук татар телендә сөйләм техникасы һәм ораторлык осталыгы буенча мастер-класска да кушыла алалар. Дәресне Г.Камал театры актерлары Рәйхан Габдуллина һәм Зөфәр Нуртдинов үткәрәчәк. Башлана 15:00 тә.

Конференц-залда 15:00 тән 16:30 га кадәр әдәби күзәтүче Екатерина Петрова белән очрашу узачак. Спикер тыңлаучылар белән «Китап блогеры булу өчен китап белгече булырга кирәкме?» темасына әңгәмә алып барачак.

16:30 дан 17:30 га кадәр тамашачылар алдында ТР халык артисты, В.Качалов исемендәге театр актеры Марат Голубев һәм ТР Милли китапханәсе укучылары чыгыш ясаячак. Алар Антон Чеховның «Аю» пьесасын автор укуында тәкъдим итәчәк.

Акция Президентның Мәдәни инициативалар фонды һәм «Тере классика» фонды тарафыннан Татарстан Милли китапханәсе белән берлектә оештырылды. Яңа ел гаилә укулары Россиянең ун шәһәрендә узачак.

Шулай ук укыгыз

Барлык яңалыклар