Казан автобусларында шәһәрлеләрдән Яңа ел котлаулары яңгыраячак

Акциядә катнашу өчен аудиоязма әзерләргә кирәк – халыкка проза һәм шигырь белән мөрәҗәгать итәргә яки җыр яздырырга була.

Фото: Денис Гордийко

(Казан шәһәре KZN.RU, 16 нчы ноябрь). Казан автобусларында шәһәрлеләрдән Яңа ел котлаулары яңгыраячак. Акциядә катнашу өчен проза, шигырь яки җыр форматында аудиоязма әзерләргә кирәк. Казандагы туганнарга, дусларга, хезмәттәшләргә һәм башка кешеләргә мөрәҗәгать итәргә була.

Гаризалар 1 нче декабрьгә кадәр кабул ителә. Аудиофайлның озынлыгы 45 секундтан артмаска тиеш. Котлауларны atprt2019@yandex.ru электрон почтасы аша кабул итәләр. Хатның темасында «Яңа ел» дип язарга, ә хәбәрдә үзең турында кыскача сөйләргә һәм элемтә өчен телефон номерын калдырырга кирәк.

Иң оригиналь котлаулар белән җибәрелгән аудиоязмаларны автобус автоинформаторларына йөкләячәкләр. Җиңүче-эш авторларын Яңа ел маршрутларын ачуга чакырачаклар, дип хәбәр итә ТР Автотранспорт предприятиесе ассоциациясе.

Билгеләп үтәбез, Казанда автобуслар иң популяр транспорт төре булып тора. Ел башыннан алардан 112 миллионнан артык пассажир файдаланган.

Шулай ук укыгыз

Барлык яңалыклар