Паркларда һәм скверларда яңа ел рухы - казанлыларны бәйрәмнәрдә бай мәдәни программа көтә

Паркларда һәм скверларда яңа ел рухы - казанлыларны бәйрәмнәрдә бай мәдәни программа көтә

<p> (Казан шәһәре KZN.RU, 19-нчы декабрь). Казанда "Паркларда кыш" күңел ачу программасы старт алды. Шәһәр халкын һәм кунакларын бәйрәмнәр, театр тамашалары, мастер-класслар, концертлар, уеннар, ярышлар һәм башка бик күп нәрсәләр көтә.<br> </p> <p> Парклар һәм скверлар дирекциясе икенче ел оештыра торган "Паркларда кыш" программасы 14 декабрьдә "Черек күл" паркында шугалак ачу тантанасы белән башланып китте. </p> <p> Программа олылар һәм балалар өчен төрле чараларны үз эченә ала. Әйтик, пәнҗешәмбе, 20 декабрьдә, Горки-Әмәт урманында "Урманда әкиятләр" проекты старт ала. Нәниләр әкият персонажларының маҗаралары турында 19.00 сәгатьтә "Лес" кафесында тыңлый алачаклар. Ә шимбә көнне, 22 декабрьдә 16.00 сәгатьтә Бауман урамының яңа ел бизәкләрен тантаналы рәвештә кабызачаклар. </p> <p> 24 декабрьдә 16.00 сәгатьтә "Черек күл" паркында үзәк чыршы ачылачак, ә 27 декабрьдә – "Казан" гаилә үзәге янында. Шул ук мәйданда 13 гыйнварда Иске Яңа ел бәйрәм ителәчәк, шуның белән бай бәйрәм программасы тәмамланачак. </p> <p> "Паркларда кыш" программасын афишада карарга була. </p>

2018-12-19T09:43:49+0300