Татар классикасының яңа куелышы: Казанда «Беренче театр» спектакленең премьерасы була

Тинчурин театры режиссеры 100 ел элек иҗат ителгән пьесадагы вакыйгаларны XX гасырдан бүгенге чынбарлыкка күчергән.

Фото: Денис Гордийко

(Казан шәһәре KZN.RU, 25 нче апрель). 27 нче апрель һәм 2 нче май көнне К.Тинчурин исемендәге Татар дәүләт драма һәм комедия театры сәхнәсендә Г.Камалның «Беренче театр» спектакленең премьерасы була. Спектакльнең режиссеры – «Алтын битлек» премиясе номинанты Илнур Гарифуллин.

Бу – И.Гарифуллинның татар театрындагы беренче эше һәм классиканы бөтенләй яңача кую. Ул 100 ел элек язылган пьесаның вакыйгаларын XXI гасырдан бүгенге чынбарлыкка күчергән. «Без тамашачыга заманча татар театры эшли алу-алмавын хәл итәргә мөмкинлек бирәбез, классик һәм авангард татар театры арасында каршылык бармы, дигән сорауга җавап табарга тырышабыз», – дип билгеләп үтә И.Гарифуллин.

27 нче апрельдә тамаша 13:00 сәгатьтә, ә 2 нче майда 17:00 сәгатьтә була, дип хәбәр итә театрның матбугат хезмәте.

Шулай ук укыгыз

Барлык яңалыклар