«НормальНо»: «Э-моция» инклюзия студиясе махсус спектакльгә чакыра

Чарага керү өчен алдан теркәлү мөһим

Елена Гредюшко фотосы

Халыкара инвалидлар көнендә, 3 декабрьдә, М.Сәлимҗанов исемендәге Актерлар йортында «Э-моция» иҗади инклюзия студиясе тамашачыларны «НормальНо» дип аталган махсус спектакльгә чакыра. Иҗат төркеме менталь сәламәтлек турында импровизациягә корылган интерактив күзаллау рәвешендәге уен тәкъдим итә.

«НормальНо» спектакленең режиссеры – Неля Суркина. Тамаша вакытында иҗат төркеме инвалидлык һәм инклюзия турында: инвалидларның ничек яшәве, үз статусын ничек кабул итүләре һәм башка сорауларга җавап бирәчәк.

Спектакльдә катнашучылар, тамашачыга, профессиональ булмаган, ә бәлки сәламәтлеге чикле актер сәхнәдә үзен һәм үз тәҗрибәсен тәкъдим итә дигән фикерне җиткерәчәк. Спектакль тамашачылары, актерлар белән аралашып яки сәхнәдән сөйләп, спектакль тудыруда турыдан-туры катнашучы булачак, дип хәбәр итә «Э-моция» иҗат студиясенең матбугат хезмәте.

Чара 19:00 сәгатьтә башлана. Тамашаны карау өчен алдан теркәлергә кирәк.

Спектакль Щапов урамы, 37 йорт адресы буенча куела.

«НормальНо» спектакле – IV Бөтенроссия «Театр – тигез мөмкинлекләр территориясе» ачык парафестиваленең «Иң яхшы интерактив спектакль» номинациясе лауреаты, шулай ук балалар һәм яшьләр театр коллективлары арасында «Театраль Идел буе» фестиваленең республика этабында «Иң яхшы яшьләр спектакле» номинациясендә җиңүче.

Шулай ук укыгыз

Барлык яңалыклар