Төнлә Казанда минус 14 градуска кадәр суыта

Көндез 28 ноябрьдә шәһәрдә һава температурасы минус 6-8 градус тәшкил итәчәк.

(Казан шәһәре KZN.RU 27-нче ноябрь). Иртәгә, 28 ноябрьдә, синоптиклар казанлыларга аязучан болытлы һава вәгъдә итә. Төнлә көньяк-көнбатыштан салмак җил, һава температурасы минус 9-11 градуска кадәр, аязганда – 14 градуска кадәр төшәчәк. Көндез урыны белән кар, төньяк-көнчыгыштан талгын җил. Көндез һава температурасы минус 6-8 градус тәшкил итәчәк. Шәһәрлеләргә саграк булырга кушалар, чөнки юлларда бозлавык көтелә.

Тулаем Татарстан буенча шулай ук аязучан болытлы һава көтелә, урыны белән кар явачак. Көньяк-көнбатыштан төньяк-көнчыгышка таба күчүче талгын җил. Төнлә һава температурасы минус 8-13 градуска кадәр, көндез – минус 6-11 градуска кадәр, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Шулай ук укыгыз

Барлык яңалыклар