Татарстанда 8 нче декабрьдә төнлә һәм иртән -28 градуска кадәр суытачак

Татарстанда 8 нче декабрьдә төнлә һәм иртән -28 градуска кадәр суытачак

<p> </p> <div class="detail-picture"> <img src="https://kzn.ru/upload/iblock/d21/DSC_0187-870.jpg"> <p class="detail-picture__caption"> Фото: Денис Гордийко </p> </div> <p> (Казан шәһәре KZN.RU, 7 нче декабрь). 8 нче декабрьдә Татарстанда минус 25-28 градуска кадәр салкын булыр дип көтелә. Һава температурасы төнлә һәм иртә белән төшәчәк дип фаразлана. </p> <p> Иртәгә Казанда аязучан болытлы булачак, явым-төшемсез. Төнлә һәм иртә белән һава температурасы минус 16-18 градуска кадәр төшәчәк, аязганда минус 21 градуска кадәр җитәчәк. Көндез термометрлар минус 11-13 градус күрсәтәчәк. Юлларда бозлавык булырга мөмкин, дип хәбәр итә ТР Гидрометеорология үзәге.  </p> <p> 9 нчы декабрь, җомга көнне, Татарстанда аязучан болытлы һава торышы көтелә. Төнлә явым-төшем көтелми, көндез урыны белән бераз кар яварга мөмкин. Төнлә һәм иртә белән һава температурасы минус 13-18 градус, аязганда минус 20 градустан 25 градуска кадәр булачак. Көндез термометр баганалары минус 7-12 градуска кадәр күтәреләчәк.  </p> <p> Шимбә көнне, 10 нчы декабрьдә, республикада шулай ук аязучан болытлы булачак. Синоптиклар урыны белән кар вәгъдә итә, аерым районнарда буран. Төнлә минус 7-12 градуска, көнчыгышта минус 16 градуска кадәр салкынайта. Көндез һава минус 5-10 градуска кадәр җылыначак, җил секундына 15 метрга кадәр көчәячәк. </p>

2022-12-07T15:53:46+0300