«НеЗаМи» ансамбленең күрмәүче музыкантлары Казанда 15 инструментта уйнаячак

«НеЗаМи» ансамбленең күрмәүче музыкантлары Казанда 15 инструментта уйнаячак

<p> </p> <div class="detail-picture"> <img src="https://kzn.ru/upload/iblock/749/MMB_8952_870.jpg"> <p class="detail-picture__caption"> Фото: Марат Мугинов </p> </div> <p> (Казан шәһәре KZN.RU, 27-нче август). 31-нче августта Татарстан Республикасы Милли музееның ачык мәйданчыгында гадәти булмаган концерт булачак. Гастроль тура кысаларында Казанда «НеЗаМи» вокаль-инструменталь ансамбле чыгыш ясаячак – ул ноталарны һәм инструментларны күрмичә уйнарга өйрәнгән талантлы егетләр. </p> <p> Коллективта катнашучылар – яшь сукыр музыкантлар Владимир Ненастин, Диләрә Җәләлиева, Булат Миңнуллин, аларның фамилияләре ансамбль исемендә чагылган. «НеЗаМи» – төбәк һәм бөтенроссия фестивальләре лауреаты, шул исәптән Грушинский (2015 ел). Балалар ике музыкаль альбом яздырдылар һәм чыгардылар. </p> <p> Коллективта 15-дән артык инструмент бар: фортепиано, гитара, скрипка, бас-гитара, контрабас, блок-флейта, курай, вистлы, гөслә, перкуссион кыңгыраулар, Suzuki чаңнары, зур һәм кечкенә барабаннар, бәрмә установка, кахон, көпчәкле лира, аутохарп һәм башка перкуссия. Һәр катнашучы биш һәм аннан да күбрәк инструментта уйный белә. Ансамбльнең концерт программасы – фонограммалардан һәм компьютер техникасыннан башка сәгать ярым «тере» тавыш. </p> <p> «НеЗаМи» ның сәнгать җитәкчесе – башкаручы, мультиинструменталист, гитарада уйнау буенча авторлык методикасын уйлап табучы Дмитрий Бикчәнтәев. Концерт барышында Дмитрий Бикчәнтәев коллекциясеннән сирәк музыка уен кораллары интерактив музееның уникаль экспонатлары тәкъдим ителәчәк. </p> <p> Концерт 18:00 сәгатьтә башлана. Керү ирекле, дип хәбәр итә ТР Милли музее матбугат хезмәте. </p>

2021-08-27T15:46:35+0300