В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Иртәгә Казанда зур явым-төшемнәр көтелми
Алдагы ике көндә Татарстанда атмосфера фронтлары тәэсирендә һава торышының тотрыксыз булуы көтелә, дип хәбәр итә ТР Гидрометүзәге.
Казанда 28 декабрьдә аязучан болытлы һава, явым-төшемсез булачак. Көндез иң югары температура 0..-2 градус булачак, төнлә -4 градуска кадәр суытачак. Җил – көнбатыштан, төньяк-көнбатыштан 6-11 м/с тизлек белән. Юлларда бозлавык, урыны белән көчле җил вәгъдә ителә.
28-29 декабрь көннәрендә республиканың көньяк һәм көнчыгыш районнарында әле бераз юеш кар явачак, калган вакытта явым-төшем көтелми. 28 декабрь төнлә һәм көндез һава температурасы 0..-4 градус тәшкил итәчәк. 29 декабрьдә төнлә һәм иртән синоптиклар -6..-11 градус, ә көндез -4..-9 градус салкын фаразлый. Юлларда бозлавык саклана, урыны белән көчле.
Дүшәмбе көнне Татарстанда синоптиклар зур булмаган кар вәгъдә итә. Төнлә һәм иртән -8..-13 градуска кадәр суытачак, ә көндез термометр баганалары - 3..-8 градус күрсәтәчәкләр.
Сишәмбе көнне, 31 декабрьдә, кар һәм юеш кар явачак, буран һәм көчле җил көтелә, аерым районнарда бозлавык булырга мөмкин. Төнлә һава температурасы -3..-8 градус, көндез -2..+1 градус тәшкил итәчәк.
Татарстан Республикасы Гидрометүзәге фаразлавынча, 1 гыйнварда урыны белән кар һәм юеш кар, җылы һава торышы булачак. Төнлә температура -2..-7 градус, ә көндез - 3..+1 градус көтелә. Һаваның уртача температурасы күпьеллык күрсәткечләрдән 6-8 градуска югарырак булачак. Юлларда тайгак булачак.