Фәнни шоулар, мастер-класслар һәм тамашалар: Казан Кремлендә яңа ел программасы 15 нче гыйнварга кадәр дәвам итәчәк

Вакыйгалар «Эрмитаж-Казан» үзәгендә, ТР Табигать тарихы музеенда, Благовещенск соборы тарихы музеенда һәм башка урыннарда узачак.

Фото: «Казан Кремле» музей-тыюлыгы матбугат хезмәте

(Казан шәһәре KZN.RU, 16 нчы декабрь). Бүген «Казан Кремле» музей-тыюлыгында яңа ел программасы старт ала, ул 15 нче гыйнварга кадәр дәвам итәчәк.

«Эрмитаж-Казан» үзәгендә кече мәктәп укучылары өчен «Рубенс дөньясына яңа ел экспрессы яки юкка чыккан картинаның сере» дигән яңа ел бәйрәм программасы һәм «Алтын гасыр курчаклары» күргәзмәсе буенча мастер-класс белән тематик очрашулар әзерләделәр, дип хәбәр итә «Казан Кремле» музей-тыюлыгы матбугат хезмәте.

ТР Табигать тарихы музеенда килүчеләрне «Балалар ярдәмгә ашыга» дигән яңа ел театральләштерелгән тамашасы, «Кар бөртекләре фабрикасы» һәм «Кыш Бабайның яшерен лабораториясе» интерактив фәнни шоулары, «Теләкләр чыршысы»нда – скрапбукинг техникасында яңа ел открыткасы, уенчыклар ясау, «Бәйрәм конфеттиы»нда чыршы шарларын бизәү буенча мастер-класслар көтә.

«Борынгы рус каллиграфиясе техникасында бәйрәм открыткасы» мастер-классы һәм «Раштуа вакыйгасы» интерактив бәйрәм программасы Благовещенск соборы тарихы музеенда узачак, ә Гавами урыннарда «Казан Кремлендә Яңа ел бәйрәме»н әзерләгәннәр.

Яңа ел программасы шулай ук «Манеж» күргәзмәләр залында һәм Татар халкының һәм ТРның дәүләтчелеге тарихы музеенда планлаштырылган. Керү билетлар буенча булачак.

Чараларның тулырак җәдвәлен «Казан Кремле» музей-тыюлыгы сайтында һәм +7(843)567-80-09, +7(843)567-81-42 телефоннары аша белергә була.

Шулай ук укыгыз

Барлык яңалыклар