Өстәл уеннары, бию буенча мастер-класс һәм шигъри кичә – Казанның яшүсмерләр клубларында яшьләр вакытны ничек уздыра ала

Өстәл уеннары, бию буенча мастер-класс һәм шигъри кичә – Казанның яшүсмерләр клубларында яшьләр вакытны ничек уздыра ала

<p> Атна дәвамында Казанның яшьләр клубларында бушлай чаралар сериясе җәелдереләчәк. Казанлыларны иҗади шөгыльләр, уеннар, көч таләп итә торган күнегүләр һәм башкалар көтә. </p> <p> Иртәгә, <b>19 мартта</b>, яшьләрне «Сокол» клубына (Гагарин ур., 20) Париж Коммунасы көненә багышланган «Могҗизалар ишегалды» тарихи өстәл уены кичәсенә чакыралар. Башлану вакыты – 18:00. </p> <p> Пәнҗешәмбе көнне, <b>20 мартта</b>, теләүчеләр «Романтик» клубы (Химиклар ур., 35) үткәрәчәк «Имаджинариум» уены вакытында үз фантазияләрен тикшерә алачак. Катнашу өчен +7(843)590-53-55 телефоны буенча теркәлергә кирәк. Уен 16:00 дә башлана. </p> <p> Шул ук көнне «Родник» клубында акварель скетч буенча «Язгы рәсемнәр» мастер-классы планлаштырылган. Дәрес Завод ур., 14 адресы буенча 16:00 сәгатьтә башлана. Алдан +7(927)030-10-19 телефоны буенча теркәлергә кирәк. </p> <p> Кич белән, 18:00 сәгатьтә, Яшьләр «Арабеска» клубында узачак гаилә мастер-классында театраль күренешкә чума алачак. Кунакларны Сафиуллин ур., 50 адресы буенча көтәләр. Язылу түбәндәге номер буенча: +7(927)030-10-19. </p> <p> «Талантика» клубында 18:30 да функциональ күнекмә уздырачаклар. Адресы: Окольная ур., 94, 1 нче корпус. </p> <p> Җомга көнне, <b>21 мартта</b>, кул эшләре һәм иҗат сөючеләр өчен уникаль курчак ясау буенча мастер-класс узачак. Дәрес «Свои» клубында (Степан Халтурин ур., 11/10) 15:00 сәгатьтә башлана. </p> <p> Әдәбият сөючеләрне «Яшьлек» клубына шигъри кичәгә чакыралар. Очрашуда теләге булган һәркем патриотик шигырьләр укый яки башка талантлы башкаручыларны тыңлый алачак. Чара Бөтендөнья шигърият көненә һәм Ватанны саклаучылар елына багышланган. Казанлыларны 16:00 сәгатьтә Годовиков ур., 16 адресы буенча көтәләр. </p> <p> Кич белән, 17: 30 сәгатьтә, «Крылатый» клубында (Побежимов ур., 17) мода скетчингы буенча мастер-класс узачак. Дәрестә кунаклар стильле картина тудырачак. </p> <p> Атнаны бию мастер-классы тәмамлаячак, анда хәрәкәтләрне хип-хоп ритмында күрсәтәчәкләр. Яшьләрне шимбә көнне, <b>22 мартта</b>, 16:00 сәгатькә Гаврилов ур., 22 адресы буенча урнашкан «Лада» клубына чакыралар, дип хәбәр иттеләр «Яшүсмер» МБУ матбугат хезмәтендә. </p>

2025-03-18T16:18:22+0300