Кичә Казанның җәмәгать транспортында QR-кодсыз 104 пассажир ачыкланган

Кичә Казанның җәмәгать транспортында QR-кодсыз 104 пассажир ачыкланган

<p> </p> <div class="detail-picture"> <img src="https://kzn.ru/upload/iblock/866/MMB_0454_870.jpg"> <p class="detail-picture__caption"> Фото: Марат Мугинов </p> </div> <p> (Казан шәһәре KZN.RU, 3-нче декабрь). Кичә Казанның җәмәгать транспортында вакцинацияләнгәнне яки коронавирус белән авырганны раслый торган QR-кодларсыз 104 пассажир ачыкланган. Шул ук сәбәп аркасында метрога, автобуслар, трамвайлар һәм троллейбусларга 63 кешене кертмәгәннәр. Шул рәвешле, җәмәгать транспортыннан 167 кеше файдалана алмаган – бу шәһәрдә 2-нче декабрьдә гомуми пассажирлар агымының 0,03%-ы. </p> <p> Транспорт чаралары кичә 426 тапкыр тикшерелде. Шулай итеп, автобусларда QR-кодларсыз 46 пассажир ачыкланган, 34 кешегә транспортта барырга рөхсәт ителмәгән. Троллейбуслар, трамвайлар һәм метродан QR-кодсыз 58 кеше файдаланырга теләгән, электр транспортына 29 кеше кертелмәгән, дип хәбәр иттеләр Казан Башкарма комитетының транспорт буенча комитетында. </p>

2021-12-03T09:30:35+0300