Казанның яшь музыкантлары, белемнәрен арттырып, авторлык композицияләре белән чыгыш ясый алачак

Казанның яшь музыкантлары, белемнәрен арттырып, авторлык композицияләре белән чыгыш ясый алачак

<p> </p> <div class="detail-picture"> <img src="https://kzn.ru/upload/iblock/d67/d672e8234269344dcc1e1d8fcd3fdb85.jpg"> <p class="detail-picture__caption"> Фото: Марат Мөгыйнов </p> </div> Казанның яшь музыкантлары 30-31 нче мартта узачак «Станция Мир» музыкаль фестивалендә бушлай белем алырга мөмкин. Катнашу өчен гаризаларны 24 нче мартка кадәр тапшыру зарур. <p> </p> <p> 50 катнашучы өчен интенсив турыдан-туры форматта узачак. Программа буенча лекцияләр, дискуссияләр, иҗади индустрияләр экспертлары белән практик дәресләр уздыру каралган. Спикерлар артист өчен бренд булдыру һәм аны үстерү стратегиясе нечкәлекләре, команда туплау серләре белән таныштырачаклар. </p> <p> Катнашучылар сәнгатьле чыгыш ясау өчен тавышны үстерү техникаларына һәм актерлык күнекмәләренә өйрәнә алачак. Интенсивны үтүчеләргә тамашачылар алдында авторлык композицияләре белән чыгыш ясау мөмкинлеге биреләчәк. </p> <p> «Станция Мир» музыкаль фестиваленең максаты – яшь музыкантларга ярдәм итү мәйданчыгы, тамашачылар өчен аудиовизуаль шоу һәм фикердәшләр бергәлеге булдыру. Фестивальнең беренче сезоны узган елның 23 нче апрелендә Бәшир Рәмиев исемендәге ИТ-паркта узды һәм бер сәхнәдә Казаннан 12 бәйсез артистны берләштерде. </p> <p> Белем бирү программасында катнашу өчен гаризаны <a href="https://mir-station.ru/education">сылтама</a> буенча калдырырга мөмкин. Проект Мәдәни инициативаларның президент фонды, RE'ACTOR арт-резиденциясе һәм «HiFi-стриминг Звук»тан артистлар өчен булдырылган СТУДИО кушымтасы ярдәмендә гамәлгә ашырыла. </p> <br>

2024-03-18T16:08:18+0300