Яңа бер тапкыр бирелә торган түләү өчен гаризалар кабул итү башлана

Пособиене 6 яшьтән 18 яшькә кадәрге балалар һәм мәктәптә белем алучы, сәламәтлек мөмкинлекләре чикләнгән 18 яшьтән 23 яшькә кадәрге затлар ала алачак.

Фото: Казан шәһәре KZN.RU

(Казан шәһәре KZN.RU, 13-нче июль). 15-нче июльдән 10 мең сум күләмендә яңа бер тапкыр бирелә торган түләү өчен гаризалар кабул ителә башлый. Аны 6 яшьтән 18 яшькә кадәрге балалар һәм сәламәтлеге мөмкинлекләре чикләнгән, төп гомуми белем бирү программалары буенча белем алучы 18 яшьтән 23 яшькә кадәрге затлар ала алачак. Пособиеләр ил территориясендә яшәүче Россия гражданнарына гаилә керемнәрен исәпкә алмыйча билгеләнә.

РПФ матбугат хезмәте хәбәр иткәнчә, мәктәп укучыларына түләү өчен бирелгән гаризаларның күбесе август аенда автомат рәвештә формалаштырылган. Моның өчен фондта булган мәгълүматлар файдаланылган. Гаризалар ата-аналарның шәхси кабинетлары буенча дәүләт хезмәтләре порталында таратылган, һәм түләүне төгәлләү өчен мәгълүматның актуальлеген тикшерергә һәм аны алга таба эшкәртүгә ризалыгын расларга гына кирәк.

Гаризалар 3,5 ай дәвамында, октябрь ахырына кадәр кабул ителәчәк. Дәүләт хезмәтләре порталыннан тыш, документны Пенсия фондының барлык клиент хезмәтләрендә дә тапшырырга мөмкин. Электрон рәвештә гариза бирү мөмкинлеге бары тик уллыкка алучыларның һәм карап үстерүчеләргә генә юк, алар белгечләргә шәхсән мөрәҗәгать итәргә тиеш.

Гариза 5, аерым очракларда 10 эш көне дәвамында каралачак. Тапшыру датасы дип документны Пенсия фондының территориаль органында теркәү датасы санала. Түләүләр гаризада күрсәтелгән счетка акчасыз күчерү юлы белән август аеннан башланачак.

Түләүдән баш тарту өчен нигезләр булырга тиеш: мөрәҗәгать итүченең яисә баланың Россия гражданлыгы булмау, баланың яшенә туры килмәве, ата-ана хокукларыннан мәхрүм ителү, балага карата опекунлык/попечительлекне туктату, баланың яисә мәктәптә белем алучы инвалид баланың үлүе, дөрес булмаган белешмәләр бирү һәм әгәр ата-анага бер тапкыр түләү башкарылган булса, шулай ук мөмкинлекләре чикләнгән 18 яшьтән 23 яшькә кадәрге зат мәктәптә укымаса. Баш тарту турында хәбәрнамә дәүләт хезмәтләре порталына, баш тарту сәбәпләрен күрсәтеп, шәхси кабинетка кертелә. Тулырак мәгълүматны Татарстан Республикасы буенча РПФ бүлеге сайтында алырга мөмкин.

Шулай ук укыгыз

Барлык яңалыклар